Jarystar jańǵyryǵy

Mánerlep syr­ǵanaý. Búgin AQSh-tyń Boston qalasynda álem chempıonaty jalaýyn kóteredi. Birinshi kúni sportshylar bı­shilerdiń muzdaǵy qysqa baǵdarlamasynan synǵa túsedi. Bul jarysqa Qazaqstannan Daryn Júnisov pen Anastasııa Hromova shyǵady. Kelesi kúni erler arasynda qysqa baǵdarlama jarystary ótedi. Onda aıdynǵa Olımpııa oıyndarynyń qola júldegeri Denıs Ten shyǵady. Sol kúni taǵy bir otandasamyz Elızabet Tursynbaeva áıelder arasyndaǵy jarysqa qatysady. Hokkeı. Qaraǵan­dynyń «Sary­arqa» klýby kelesi maýsymda jo­ǵarǵy hokkeı lıgasynda oınamaıdy. Komanda basshylyǵy bıylǵy kúzden bastap premer-lıganyń jarystaryna qatysý týraly ótinish berdi. Bul synǵa Qaraǵandynyń jasaǵy Ombynyń «Avan­gard» komandasynyń farm-klýby retinde óner kórsetedi. Premer-lıga Qurlyqtyq hokkeı lıgasy koman­dalarynyń farm-klýbtary qatysatyn jarys bolady. Ol bıylǵy kúzden bastap  alǵash ret ótkiziledi. Voleıbol. Ulttyq lıganyń áıelder ko­man­dalary arasyndaǵy Qa­zaqstan chempıonaty aıaq­taldy. Bıylǵy maýsymda О́ske­menniń «Altaı» komandasy chempıon atandy. Olar ekinshi fınaldyq kezdesýde byltyrǵy Qazaqstan chempıony Taldy­qorǵannyń «Jetisý» klýbyn 3:0 esebimen utty. Úshinshi oryndy «Ertis-Qazhrom» komandasy ıelendi.  Pavlodarlyqtar «Qaraǵandy» klýbyn 3:0 esebimen jeńdi. Tennıs. Qazaq­stan­dyq Alek­sandr Nedo­vesov Reseıdiń Qazan qalasynda ótip jatqan Chellendjer serııasy týrnırinde shırek fınalǵa shyqty. Ol fınaldyń 1/8 bóliginde reseılik Alekseı Vaýtınnen 6:7(3), 7:6(4), 6:1 esebimen aılasyn asyrdy. Onyń aldynda otandasymyz ıtalııalyq Flavıo Chıpolldy 6:4, 6:3 esebimen jeńgen. Endi shırek fınalda Nedovesov Germanııa ókili Tobıas Kamkemen kezdesedi. Týrnırdiń syıaqy qory – 40 000 AQSh dollary. Al AQSh-tyń Maıamı qalasynda ótip jatqan «Masters» týrnırinde Qazaqstannyń nómiri birinshi raketkasy Mıhaıl Kýkýshkın bosnııalyq Damır Djýmhýrdan 1:2 esebimen utylyp qaldy. Birinshi sette Kýkýshkın qarsylasyn 6:4 esebimen jeńse, odan keıingi setterde 6:1 jáne 6:2 esebimen ese jiberdi. «Egemen-aqparat».