Kezdesý barysynda Álıhan Baımenov Lı myrzany óńirlik hab qyzmetimen jáne Qazaqstandaǵy bes ınstıtýttyq reformany júzege asyrý boıynsha Ult Jospary – «100 naqty qadamnyń» negizgi aspektilerimen, onyń ishinde kásibı memlekettik apparattyń tıimdiligin arttyrý máselelerimen tanystyrdy. О́z kezeginde Lı Gýn Mıon turaqty bilim men tájirıbe almasýdyń halyqaralyq tuǵyrnamasy retinde óńirlik hab qyzmetine joǵary baǵa bere otyryp, osy saladaǵy yntymaqtastyqty arttyrýǵa múddeli ekendikterin jetkizdi.
Sapar barysynda Álıhan Baımenov Koreıa Respýblıkasy Adamı resýrstardy damytý ulttyq ınstıtýty prezıdenti Ok Donk Sýkpen kezdesti. Júzdesý kezinde birlesken taqyryptyq zertteýler jasaý, ońtústikkoreıalyq tájirıbe negizinde habqa qatysýshy elder áleýetin arttyrý jóninde ortaq semınar uıymdastyrý jáne taraptardyń sarapshylar jelisin keńeıtý máseleleri qaraldy. Qazaqstan ókili osydan keıin Ekonomıkalyq yntymaqtastyq jáne damý uıymy ortalyǵy jetekshisi Pak Dek-Soomen, Azııa memlekettik basqarý boıynsha qaýymdastyq prezıdenti Pan Sýk Kımmen kezdesý ótkizip, yntymaqtastyqtyń budan arǵy múmkindikterin birlese talqylady. Qazir habqa EYDU, TMD, Ortalyq Azııa men ASEAN elderin qosa alǵanda, 32 qatysýshy el múshe. Al Koreıa Respýblıkasy habtyń quryltaıshysy jáne belsendi músheleriniń biri bolyp tabylady.
Rýslan IGILIK.
