Ortaq iske jumyldyratyn saıası kúsh

Oblysqa jumys saparymen kelgen «Nur Otan» partııasy Tóraǵasynyń birinshi orynbasary Asqar Myrzahmetov partııanyń oblystyq fılıalynyń kezekten tys HIH konferensııasyna qatysty. Konferensııada «Nur Otan» partııasy oblystyq fılıalynyń jańa tóraǵasy bolyp, oblys ákimi Bolat Baqaýov saılandy. – Maǵan oblys ákimi laýazymymen qatar, taǵy bir asa jaýapty mindet júktelip otyr. Bul mindetti bárimiz birlesip, abyroımen atqaramyz degen senimdemin. Elbasymyz, partııa Tóraǵasy Nursultan Nazarbaevtyń partııa aldyna qoıǵan barlyq mindetterdi atqarý jolynda nátıjeli jumys jasaıtyn bolamyz, – dedi oblys ákimi jıynda. Al A.Myrzahmetov óz sózinde partııa jumysyn nyǵaıtý jolyndaǵy atqarǵan qyzmeti úshin eki jyldan astam ýaqyt fılıalǵa basshylyq etken burynǵy oblys ákimi Qanat Bozymbaevqa nurotandyqtardyń atynan alǵys bildirdi. Fılıaldyń jańa tóraǵasy Bolat Baqaýovqa osy ýaqytqa deıin túrli basqarý salalarynda jınaqtaǵan mol tájirıbesi arqyly óńirdi áleýmettik-ekonomıkalyq turǵyda damytýda, partııa Tóraǵasy alǵa qoıǵan mindetterdi oryndaýda tabysty nátıjelerge qol jetkizýge kómek bolatynyna senimdi ekenin aıtty. О́ndiristi óńirde Elbasynyń partııa aldyna qoıǵan mindetterdi oıdaǵydaı júzege asyrý jolyndaǵy jumysyna sáttilik tiledi. Sonymen qatar, konferensııa barysynda Tóraǵanyń birinshi orynbasary jıynǵa qatysýshylardy elimizdiń ómirindegi mańyzdy oqıǵa – jaqynda ǵana ótken Májilis pen máslıhattar saılaýlaryndaǵy jeńispen quttyqtap, atqarǵan eńbekteri úshin alǵysyn jetkizdi. «Jalpy, saılaýǵa qatysýshylar sanynyń 77 paıyzdan asýy, onyń ishinde qazaqstandyqtardyń 82 paıyzdan astamynyń «Nur Otan» partııasyn qoldaýy – bul rekordtyq kórsetkish. Al Pavlodar óńiri saılaýshylarynyń belsendiligi bul joly da joǵary boldy, «Nur Otanǵa» saılaýshylardyń 82 paıyzǵa jýyǵy daýys berdi», – dedi A.Myrzahmetov. A.Myrzahmetov atap ótkendeı, mundaı eleýli kórsetkishter eń aldymen partııanyń oblystyq fılıaly men aýmaqtyq bólimsheleri qyzmetkerleriniń, bastaýysh partııa uıymdarynyń jáne partııa belsendileriniń tynymsyz eńbeginiń nátıjesi deýge bolady. Máslıhat depýtattary saılaýynyń qorytyndysy boıynsha, oblys aýmaǵynda «Nur Otan» partııasynyń músheleri 206 orynnyń 197-sine ıe boldy. Partııa Tóraǵasy birinshi orynbasarynyń pikirinshe, «bul kúnderi «Nur Otan» – halyqpen únemi tyǵyz baılanys ornatyp kele jatqan, saılaýaldy baǵdarlamalyq tuǵyrnamasyn naqty oryndaıtyn saıası uıym. Bul saılaýǵa deıin de, keshegi ótken saılaý barysynda halyqtyń bergen baǵasynan, shynaıy qoldaýynan da anyq kórindi». «Nur Otan» partııasy el senimin aqtaýmen qatar, kúrdeli ekonomıkalyq jaǵdaıda óz mańyna jurtshylyqty toptas­tyratyn partııa bolýy kerek, degen Elbasynyń tapsyrmasyna sáıkes, eldegi jetekshi saıası kúsh retinde ol qazaqstandyqtardy Bes ınstıtýttyq reformany júzege asyrýdy qamtamasyz etetin «100 naqty qadam» Ult Josparyn oryndaýǵa jumyldyrýda basty ról atqarýy tıis. Sondyqtan mem­lekettik baǵdarlamalardyń júzege asyrylýyna tıimdi baqylaý ornatý, osyǵan baılanysty el arasynda túsindirý jumystaryn júrgizý syndy mindetterge basymdyq berilip otyr. Konferensııa barysynda partııanyń oblystyq fılıaly saıa­sı keńesiniń músheleri, oblystyq máslıhattaǵy depýtattyq fraksııa jetekshisi, oblystyq perınataldyq ortalyqtyń bas dárigeri A.Ospanova, oblystyq máslıhattyń depýtaty, «Galıskoe» JShS-niń dırektory A.Kasısın jáne Pavlodar qalalyq «ÝPNK-PV» JShS-niń qyzmetkeri, «Bolashaq» baǵdarlamasynyń túlegi Ý.Naýryzbaı sóz sóıledi. Farıda BYQAI, «Egemen Qazaqstan». Pavlodar oblysy.