Jańa dıorama

tylsymǵa toly tabıǵat tamashalarymen tanystyrady Shyǵys Qazaqstan oblystyq sáýlettik-etnografııalyq jáne tabıǵı-landshaftty qoryq-murajaıynyń ekologııalyq ekspozısııasy tyń panoramalyq dıoramamen tolyqty. Bul osyǵan deıingi dıoramalarmen birge óńirdiń erekshe tabıǵı múıisimen tanys­tyrady. – Qyzylqum – ortaazııalyq qumdy saharanyń Kúrshim aýdanynda ornalasqan soltústik túkpirdegi sońǵy bóligi. Aǵa bý­yn­­­ǵa bul jer Bóken qumy ataý­y­­­­men belgili, deıdi qoryq-mura­jaı­dyń ǵylymı qyzmetkeri, kórnekti ólketanýshy Borıs Sher­bakov. Qyzylqumnyń bul ólkede 250 mıllıon jyl buryn paıda bolǵanyn, onyń paıda bolýyna eolova áseri barlyǵyn, qarapaıym tilmen aıtqanda jeldiń áserimen  túzilgen jer bederi ekendigin kóp­shilik bile bermeýi múmkin. Ta­bıǵattanýshy B.Sherbakovtyń aıtýynsha, Qyzylqumda jekelegen qum tóbelerdiń bıiktigi 50 metr­ge deıin jetedi. Jańa dıorama osy ólkege tán qupııa-syrlardy ashady, qyp-qyzyl qum men kerish arasyndaǵy tirshilik ıelerin tanys­tyrady. Iаǵnı, qoryq-murajaıǵa kelýshiler óńirdiń tabıǵat keńis­tigindegi tań-tamasha qaldyrar ózgeshe sıqyr álemdi kóredi. Onyń ishinde Zaısannyń soltústik ja­ǵynda jatqan, jasy 60-65 mıllıon jylǵa jýyq Qıyn-Kerish, Shekelmes kerishti shól dalalary, Altaı Qalbasy silemderiniń dalaly landshafttary bar. Árıne, Shyǵys Qazaqstannyń shynaıy tabıǵatymen jaqyn tanysýǵa árkimniń aıaǵy jete bermeıdi. Ýaqyt tapshy bolýy, qarjy qoldy baılaýy múmkin. Sondyqtan, meımandardy óńirdiń ózgeshe kel­betimen tanystyrýǵa Sol ja­ǵalaý keshenindegi ekologııalyq ekspozısııanyń erekshe qolaıly ekenin aıta ketken abzal. Dýman ANASh, «Egemen Qazaqstan». О́SKEMEN.