Qazaqstan Respýblıkasy Energetıka mınıstrliginiń buıryǵy  №129

2015 jylǵy 23 aqpan,  Astana qalasy Teńizdegi ǵylymı zertteýlerdi júrgizý qaǵıdasyn bekitý týraly «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańy 18-babynyń 12) tarmaqshasyna sáıkes buıyramyn: 1. Qosa berilip otyrǵan Teńizdegi ǵylymı zertteýlerdi júrgizý qaǵıdasy bekitilsin. 2. Qazaqstan Respýblıkasy Energetıka mınıstrliginiń Munaı-gaz keshenindegi ekologııalyq retteý, baqylaý jáne memlekettik ınspeksııa komıteti zańnamada belgilengen tártippen: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) Qazaqstan Respýblıkasynyń Ádilet mınıstrliginde onyń memlekettik tirkelgeninen keıin kúntizbelik on kún ishinde osy buıryqty resmı jarııalaýǵa «Ádilet» aqparattyq quqyqtyq júıesine, sonymen birge merzimdi baspa basylymdaryna joldanýyn; 3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin. 4. Osy buıryq onyń alǵash resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasy Energetıka mınıstri V.ShKOLNIK. «KELISILGEN» Qazaqstan Respýblıkasy Aýyl sharýashylyǵy mınıstri ______________A. Mamytbekov 2015 jylǵy 18 naýryz «KELISILGEN» Qazaqstan Respýblıkasy Bilim jáne ǵylym mınıstri ______________A. Sárinjipov 2015 jylǵy 5 naýryz «KELISILGEN» Qazaqstan Respýblıkasy Investısııalar jáne damý Mınıstriniń m.a. ________________J.Qasymbek 2015 jylǵy 3 naýryz «KELISILGEN» Qazaqstan Respýblıkasy Ulttyq qaýipsizdik komıtetiniń tóraǵasy ______________N.Ábiqaev 2015 jylǵy 11 naýryz Qazaqstan Respýblıkasy Energetıka mınıstriniń 2015 jylǵy 23 aqpandaǵy № 129 buıryǵymen bekitilgen Teńizdegi ǵylymı zertteýlerdi júrgizý qaǵıdasy 1. Jalpy erejeler 1. Osy Teńizdegi ǵylymı zertteýlerdi júrgizý qaǵıdasy (budan ári - Qaǵıda) «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-baby 49) tarmaqshasyna sáıkes ázirlendi jáne Kaspıı men Aral teńizderiniń qazaqstandyq bóliginde teńizdegi ǵylymı zertteýlerdi júrgizý tártibin aıqyndaıdy. 2. Teńizdegi ǵylymı zertteýler jer qoınaýyn paıdalaný jónindegi operasııalardyń teńizge áserin jáne olardyń qorshaǵan ortaǵa saldary men bıologııalyq ártúrliligin zertteý maqsatynda júrgiziledi. 3. Teńizdegi ǵylymı zertteýler qazaqstandyq, sondaı-aq sheteldik jeke jáne zańdy tulǵalar, halyqaralyq uıymdarmen júzege asyrylýy múmkin. 4. Qazaqstan Respýblıkasynyń Energetıka mınıstrligi teńizdegi ǵylymı zertteýler salasyndaǵy quzyretti organ (budan ári - quzyretti organ) bolyp tabylady. 5. Teńizde jer qoınaýyn paıdalaný jónindegi operasııalardy júrgizý kezinde mynadaı teńizdegi ǵylymı zertteýler júzege asyrylýy múmkin: 1) ekologııalyq zertteýler (munaıdyń tógilýin zertteý, qorshaǵan ortany lastaýshylarmen kúres jónindegi ádister men tehnologııalardy ázirleýge baılanysty zertteýler, avarııalyq jaǵdaılardy zertteý jáne basqalar); 2) sýly ortanyń jáne muzdy jaǵdaıdyń gıdrodınamıkasyn zertteý; 3) Kaspıı teńizi deńgeıiniń terbelisterin jáne onyń teńizdegi munaı-gaz kásipshiligi gıdrotehnıkalyq qurylystaryna jáne jaǵadaǵy munaı-gaz ınfraqurylymyna tıgizetin áserin zertteý jáne boljamdaý; 4) ǵylymı-zertteý maqsatynda munaı operasııalary men burǵylaýdy júrgizýdiń sý asty ádisterin ázirleýge baǵyttalǵan zertteýler; 5) teńiz aıasynda túrli qurylys materıaldarynyń jaı-kúıin zertteýge baǵyttalǵan zertteýler; 6) sý asty kábilderi men qubyrlaryn tóseý jobasyn (jobalaryn) ázirleýdiń ǵylymı qamtamasyz etilýine baǵyttalǵan zertteýler; 7) Kaspıı teńiziniń qazaqstandyq sektorynda jasandy araldar, qurylystar men qondyrǵylar jasaý jobasyn (jobalardy) ázirleýdiń ǵylymı qamtamasyz etilýine baǵyttalǵan zertteýler; 8) gıdrografıkalyq, geofızıkalyq, gıdrobıologııalyq, ıhtıologııalyq jáne geotehnıkalyq zertteýler; 9) jer qoınaýyn paıdalaný jónindegi operasııalarǵa baılanysty ózge de ǵylymı zertteýler. 2. Teńizdegi ǵylymı zertteýlerdi júrgizý tártibi 6. Teńizdegi ǵylymı zertteýlerdi júrgizýge múddeli tulǵalar jumystardy júrgizýdiń bastalýy jóninde quzyretti organǵa mynalardy: 1) teńizde ǵylymı zertteýler júrgizýdiń sıpaty men maqsaty týraly aqparatty; 2) teńizdegi ǵylymı zertteýlerdi júrgizý josparlanatyn aýdannyń geografııalyq koordınattaryn, kórsetilgen aýdandarǵa baratyn jáne keri qaıtatyn marshrýttardy; 3) zertteý júrgizetin kemelerdiń alǵashqy keletin jáne túpkilikti ketetin boljamdy kúnderi, qatystyrylatyn kemeler men júzip júretin quraldardyń túrleri, ǵylymı jabdyqtardy ornalastyrý jáne shyǵarý merzimderin qamtıtyn habarlama jiberedi. 7. Teńizdegi ǵylymı zertteýlerdi júrgizýge mynadaı jaǵdaılarda ruqsat berilmeıdi: 1) Qazaqstan Respýblıkasynyń ulttyq qaýipsizdigine qaýip tóndirse nemese tóndirýi múmkin bolsa; 2) qorshaǵan teńiz aıasyn qorǵaý, tabıǵı resýrstardy saqtaý, sondaı-aq teńizderdiń sý resýrstaryn keshendi paıdalaný talaptarymen úılespeıtin bolsa; 3) Qazaqstan Respýblıkasynyń aýmaǵynda tyıym salynǵan jabdyqty, qondyrǵylardy nemese is-qımyldardy qamtıtyn bolsa; 4) Qazaqstan Respýblıkasynyń teńiz akvatorııasynyń qazaqstandyq bóliginde óziniń egemendi jáne aıryqsha quqyqtaryn júzege asyrýda júrgizetin qyzmetine kedergi keltiretin bolsa; 5) jasandy araldardy, qondyrǵylardy jáne qurylystardy salýdy, qoldanýdy nemese paıdalanýdy qamtıtyn bolsa. 8. Habarlamany alǵannan keıin quzyretti organ bes jumys kúni ishinde ony jer qoınaýyn zertteý jáne paıdalaný, memlekettik shekarany qorǵaýdy qamtamasyz etý, sý qoryn paıdalaný jáne qorǵaý, sýmen jabdyqtaý, sý burý jáne janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organdarǵa jiberedi. 9. Teńizdegi ǵylymı zertteýlerdi júrgizý nátıjeleri týraly esep ótinish berýshimen quzyretti organǵa jiberiledi, ol ony bes jumys kúni ishinde jer qoınaýyn zertteý jáne paıdalaný, ǵylym, sý qoryn paıdalaný jáne qorǵaý, sýmen jabdyqtaý, sý burý jáne janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organdarǵa joldaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 24 sáýirde Normatıvtik quqyqtyq kesimderdi memlekettik tirkeýdiń tizilimine №10798 bolyp engizildi.