Memleket basshysy AQSh-tyń energetıka mınıstrin qabyldady

ASTANA. 7 sáýir. Qazaqstan Prezıdenti AQSh-tyń energetıka mınıstri Ernest Monızdi qabyldady. Bul týraly akorda.kz-ke silteme jasaǵan egemen.kz tilshisi habarlady. Kezdesý barysynda energetıkalyq qaýipsizdik, munaı-gaz ındýstrııasy, elektr energetıkasy jáne qorshaǵan ortany qorǵaý salalaryndaǵy yntymaqtastyqty nyǵaıtý máseleleri qarastyryldy. Sondaı-aq, taraptar energetıka salasyn damytýdaǵy basty trendterdi, munaı baǵasyn qalyptastyrýǵa yqpal etetin negizgi faktorlardy, dástúrli energııa kózderiniń ornyn basatyn jańa energııa túrlerin paıdalaný perspektıvalaryn talqylady. Sonymen qatar, Nursultan Nazarbaev pen Ernest Monız elimizdiń energetıka sektoryna Amerıka kompanııalarynyń qatysý aspektilerin, Qazaqstanda «jasyl energııany» paıdalaný aıasyn keńeıtý jónindegi josparlardy, ıadrolyq energetıkadaǵy jańa tehnologııalar men jańǵyrtylatyn energııa kózderinen energııa óndirýge jumsalatyn shyǵystar jaıyn da sóz etti. Iаdrolyq qaýipsizdik taqyrybyna arnaıy nazar aýdaryldy, bul másele boıynsha eki el arasyndaǵy ózara yntymaqtastyq nyǵaıyp keledi. Qazaqstan men AQSh ıadrolyq materıaldar qaýipsizdigin arttyrý, joǵary baıytylǵan ýrandy qoldaný aıasyn taryltý baǵytynda birlese jumys júrgizýde. Sondaı-aq, Irannyń ıadrolyq baǵdarlamasy jónindegi kelisimge qatysty máselelerdi sheshý isine qosqan Qazaqstannyń eleýli úlesi atap ótildi. Nursultan Nazarbaev Qazaqstan men AQSh arasynda barlyq baǵytta seriktestik qarym-qatynas ornaǵanyn, sonyń ishinde energetıka salasyndaǵy jumys birqatar ekijaqty qujattar aıasynda júrip jatqanyn aıtty. Ernest Monız bizdiń elde ótken kelissózderdiń jemisti bolǵanyna nazar aýdardy jáne kezdesýde aıqyndalǵan barlyq máseleler boıynsha Qazaqstan men AQSh arasyndaǵy yntymaqtastyqtyń budan ári jalǵasa beretinine senim bildirdi. Talǵat Raıymbek. Derek, foto: akorda.kz.