Búginde álemniń álpeti ábigerlenip tur. Ár jerde myltyq daýysy estilip, halyqtyń basyna qaıǵy ornap, týǵan jerin tastap, ózge elderge bosyp, beıbit ómirdi ańsap, «qara sý ishsem de, tynysh jerde otyrsam eken» deıtin armannyń jeteginde júrgen adamdar kóp. Jer-jahan túrli synaqpen, qaýip-qatermen betpe-bet kelýde. Kúni keshe AQSh-tyń astanasy – Vashıngtonda aıaqtalǵan Iаdrolyq qaýipsizdik jónindegi
IV sammıtte Elbasy Nursultan Nazarbaev «Álem. HHI ǵasyr» manıfesin jarııalap, jahandyq syn-qaterlerdiń yqtımal saldaryn barsha adamzatqa ashyq aıtty. О́ziniń ustanymyn resmı habarlamalar men jarııalanymdar aıasynan tys qalǵan jeke kezdesýlerinde de atap kórsetýden tanǵan joq.
Osy oraıda, Prezıdenttiń baspasóz hatshysy Dáýren Abaev bylaı deıdi: «Nursultan Ábishuly resmı habarlamalar men jarııalanymdar sheńberinen tys qalǵan kezdesýlerde de mańyzy jaǵynan negizgi pikirtalastardan esh kem soqpaıtynyn árkez aıtyp keledi». Osyǵan baılanysty oqyrmandar nazaryna memleketter basshylarynyń Vashıngtondaǵy Iаdrolyq qaýipsizdik jónindegi sammıt «alańdarynda» ótip, resmı sharalardyń «kóleńkesinde» qalǵan kelissózderinen sýretter usynylyp otyr.
«Elbasy Nursultan Nazarbaev, – deıdi osy oraıda D.Abaev, – Fınlıandııa, Qytaı, Túrkııa, Ázerbaıjan, Iordanııa, Ýkraına, Armenııa, Lıtva, Meksıka, Chılı basshylarymen, Majarstan, Úndistan, Sıngapýr, Japonııa, Jańa Zelandııa úkimetteri basshylarymen, sondaı-aq, AQSh-tyń Memlekettik hatshysymen shaǵyn jeke pishimdegi kezdesýlerinde halyqaralyq qaýipsizdik, ózara saýda aınalymy, naqty ınvestısııalyq jobalardy júzege asyrý, aýyl sharýashylyǵyndaǵy yntymaqtastyq máselelerin talqylady».
Qazaqstan delegasııasyna osynshalyqty joǵary qyzyǵýshylyq kezdeısoq emes ekeni aıtpasa da túsinikti. Sammıtte Qazaqstan Prezıdenti eń bir qurmetti de qalaýly meımandardyń biri boldy. Buǵan, tipti, Elbasynyń kelissóz ústeli basyndaǵy ornynyń AQSh jáne Japonııa elderimen qatar orta tusta bolýy nemese jalpy sýretke túsý kezinde birinshi qatardan oryn berilýi sııaqty «hattamalyq nıýanstar» da aıqyn aıǵaq bola alady.
