Qazaq operasyna qyzyqqan

Jerar Depardeniń án salǵysy keledi Fransýzdyń ataqty akteri Jerar Deparde elimizdegi opera sahnasynda án salǵysy keledi. Mádenıet jáne sport mınıstri Arystanbek Muhamedıulymen kezdesý barysynda ol Qazaqstannyń kıeli sahnasyna qyzyǵatynyn jáne klassıkalyq ánder shyrqaǵysy keletinin jasyrmady. – Men akter ári mýzykantpyn. Tipti, birneshe operada ózim oryndaýshy boldym. Qazir kóptegen klassıkalyq týyn­dyny oqyp jatyrmyn. Mundaǵy halyq klassıkalyq mýzykany joǵary baǵalaıdy. Maǵan, negizi, shyǵarmashylyq úshin keńistik kerek. Al, men sol ózime kerektini osy elden tabamyn, – dedi ol. Sondaı-aq, Deparde mınıstrmen dıdarlasqan sátinde Fransııa men Qa­zaqstan arasyndaǵy mádenı baı­lanystyń búgingi jaı-kúıin jan-jaqty talqylady. Onyń aıtýynsha, eki eldiń arasyndaǵy óner men mádenıet qarqyndy damyǵan. «Sondyqtan da, – dedi ol, – men osy qa­rym-qatynasty naqtylaı túskim keledi. Maǵan Qazaqstan unaıdy. Endigi maqsatym – operada án salyp, halyqtyń qoshemetine bólený». Aıta keteıik, 67 jastaǵy akter kezdesýde óziniń aldaǵy josparlaryna da toqtalyp ótti. Ol óziniń basty maqsaty Qazaqstannyń opera sahnasynda ózindik iz qaldyrý ekenin ashyp aıtty. Talǵat RAIYMBEK, «Egemen Qazaqstan».