Ǵylym kúnine arnalǵan forým

Qazaq ǵylymynyń búgingi jetken bıigi men aldaǵy bel-belesine arnalǵan «Ǵylym jáne bıznes» halyqaralyq forýmy Almaty qalasynda Ǵylym kúnine oraılas­tyrylyp ótkizildi. Bul is-sharaǵa kórnekti ǵalym akademıkter, Ulttyq ǵylymı keńestiń músheleri, sheteldik sarapshylar, joǵary oqý oryn­darynyń jetekshileri men ǵylymı qyzmetkerleri qatysty. Alqaly jıynda Bilim jáne ǵylym mınıstri Erlan Saǵadıev sóz alyp, tarıhymyzdaǵy aıtýly kezeń – Qazaqstan Respýblıkasy Táýelsizdiginiń 25 jyldyǵy atalyp jatqan tustaǵy kásibı mereke – Ǵylymı qyzmetkerler kúnimen qatysýshylardy quttyqtaı kelip, «Qazirgi kezde álemde ǵylym men jańa tehnologııalardy damytý ózekti taqyryptardyń biri. Ǵylymı áleýet, ǵylymı tehnıkalyq resýrstar kóbinese ár eldiń álemdik qaýymdastyqtaǵy alatyn ornyn anyqtaıdy, onyń áleýmettik-saıası ekonomıka­lyq máselelerin tıimdi sheshýge múmkindik beredi» deı kelip, otandyq ǵylymnyń damýy jaıly oı baılamdaryn ortaǵa saldy. Sol sekildi, forýmda Ulttyq ǵylym akademııasynyń prezıdenti Murat Jurynov óndiristi ǵylymı turǵydan súıemeldeý qajettiligine toqtaldy. Al sheteldik sarapshy, Koreıa ǵylymı-tehnıkalyq aqparat ınstıtýtynyń ókili Chal Sý Lım Qazaqstandaǵy ǵylymı-tehnıkalyq aqparat júıesin Oń­tústik Koreıanyń tájirıbesin paıdalana otyryp jetildirý múmkindikteri boıynsha jasaǵan baıandamasy jurtshylyqtyń kóńilinen shyqty. Forým aıasynda ǵylymı-teh­nıkalyq aqparat júıesin damytý, basqa da máseleler qozǵalyp, Táýelsizdiktiń 25 jyldyq mereıtoıyna baılanysty kitap kórmesi uıymdastyryldy.  «Egemen-aqparat».