Salvadorda qaqtyǵys kezinde 9 adam mert boldy

ASTANA. 13 sáýir. El-Salvador Respýblıkasynyń Kýskatlan departamentine qarasty Santa-Krýs-Mıchapa qalasynda tártip saqshylary men qaraqshylar arasyndaǵy qaqtyǵystan 9 adam mert boldy. Bul týraly lifenews.ru-ǵa silteme jasaǵan egemen.kz tilshisi habarlady. Aldyn ala málimet boıynsha, atyshýly Barrio 18 qylmystyq toby polısııa jasaǵyna shabýyl jasaǵan. Saldarynan 3 tártip saqshysy men qarsy topty 6 múshesi qaza tapty. Qazir olardyń izine túsý úshin 100-den astam polısııa qyzmetkeri jumyldyryldy. Aıta keteıik, Salvador sońǵy jyldary álemdegi zorlyq-zombylyq jıi bolyp turatyn memleketterdiń birine aınaldy. О́tken jyly qańtar aıynan qarasha aıynyń sońyna deıin 6044 adam qylmyskerlerdiń qurbanyna aınaldy. Bul 2014 jylmen salystyrǵanda 72,5 paıyzǵa kóp. Resmı málimetter boıynsha, bul memlekette kúnine 22 adam qaraqshylardyń qolynan qaza tabady. Sondaı-aq, 72 myń adam iri qylmystyq toptardyń múshesi. Olardyń sany úkimet áskerinen de kóp. Aıan Ábdýálı. Derek: lifenews.ru. Foto: rg.ru.