ASTANA. 13 sáýir. Búgin fýtboldan ÝEFA Chempıondar lıgasynyń shırek fınaldyq matchtary bastaldy. Alǵashqy oıyndar Madrıd pen Manchester qalalarynda ótti. Bul týraly egemen.kz tilshisi habarlady.
«Real» (Madrıd, Ispanııa) – «Volfsbýrg» (Volfsbýrg, Germanııa) 3:0 (2:0)
Ispanııanyń «Real» komandasy óz alańynda Germanııanyń «Volfsbýrg» klýbyn qabyldap, 3:0 esebimen jeńiske jetti. Volfsbýrge ótken birinshi oıynda Madrıdtiń komandasy 2:0 esebimen jeńilgenin bilemiz. Sondyqtan «Realǵa» jartylaı fınalǵa shyǵý úshin qarsylastaryn úsh dop aıyrmashylyǵymen nemese eń bolmaǵanda gol jibermeı 2:0 esebimen utý kerek bolatyn. Sonda ǵana alań ıelerine jartylaı fınalǵa jol ashylatyn edi. Madrıdtiń klýby osy maqsatty tolyǵymen, tipti artyǵymen oryndady dese bolady. Kezdesýde Ronaldý úsh dop soǵyp, het-trık jasady. Ol birinshi golyn 16 mınýtta, ekinshisin bir mınýt ótkende soqsa, úshinshi dobyn 77 mınýtta torǵa toǵytty. Sóıtip, «Real» eki oıynnyń nátıjesi boıynsha jartylaı fınalǵa shyqty. Al, «Volfsbýrg» ataqty Madrıdtiń klýbyna eki matchta naǵyz qarsylas bolyp, laıyqty oıyn órnegin kórsetti.
ÝEFA Chempıondar lıgasy 1/4 fınalyndaǵy qarsylastardyń ekinshi matchtary.
13 sáýir. Madrıd. «Santıago Bernabeý» stadıony.
Tóreshi: Kashshaı Vıktor (Vengrııa)
«Real»:Navas,Karvahal, Ramos (kapıtan), Pepe, Marselo, Kroos, Kasemıro, Modrıch (Varan 90'), Beıl, Benzema (Hese 84’),Ronaldý
«Volfsbýrg»: Benalo (kapıtan), Vıeırınıa, Naldo, Dante, Rodrıges, Gýstavo, Gılavogı (Dost 80’), Enrıke (Kalıdjıýrı 73’), Arnold, Draksler (Krýze 32’), Shıýrrle
Goldar: Ronaldý 16’, 17’, 77’
Eskertý aldy: Ronaldý 80’ — Arnold 45’, Gýstavo 76’, Dante 85’, Vıeırınıa 90’
«Manchester Sıtı» (Manchester, Anglııa) – «Parı Sen-Jermen» (Parıj, Fransııa) 1:0
Bul kezdesý de tartysty jáne qyzyqty ótti. Parıjde qarsylastar 2:2 esebimen teń oınaǵan soń, ekeýine de jartylaı fınalǵa shyǵý úshin jeńis kerek edi. Sondyqtan komandalar oıyn bastalysymen qorǵanysta jatyp almaı, shabýylǵa shyǵyp, dop soǵýǵa tyrysty. Alaıda birinshi taımda qarsylastar bir-birine qanshama ret qaýipti jaǵdaı jasaǵanymen, eshkim gol soǵa almady. Oıynnyń taǵdyry ekinshi taımda sheshildi. 76 mınýtta alań ıeleriniń de Breıne degen jartylaı qorǵaýshysy jalǵyz doptyń avtory atandy.
Sóıtip, «Manchester Sıtı» jartylaı fınalǵa shyqty. Buǵan komanda ábden laıyq dep oılaımyz.
13 sáýir. Manchester «Etıhad Stedıým» stadıony.
Tóreshi: Karbalo Karlos Velasko
«ManchesterSıtı»: Hart, Sanıa, Otamendı, Mangala, Klıshı, Fernandıno, Fernando, Navas, de Brıoıne (Týre 84’), Sılva (Delf 87’), Agýero (Ihenacho 90’)
«Parı Sen-Jermen»: Trapp, Van der Vıl Gregorı, Ore (Pastore 61’), Sılva, Maksvell, Rabıo, Markınos, Motta (Lýkas 44’), Dı Marııa, Ibragımovıch, Kavanı.
Gol: de Brıoıne 76’
Eskertý aldy: Fernandıno 72’ — Trapp 29’, Pastore 67’, Van der Vıl Gregorı 68’
Dastan Kenjalın.
Derek, foto: eurosport, euro-football.ru
Vıdeo: vkontakte áleýmettik jelisi.
