Fýtboldan Qazaqstan premer-lıgasynyń 5-týry ótti

ASTANA. 13 sáýir. Búgin fýtboldan Qazaqstan premer-lıgasynyń 5-týry ótti. Bul týraly egemen.kz tilshisi habarlady. Osy týrda «Astana» klýby taǵy da jeńiske jetti. Astanalyqtar syrt alańda Taldyqorǵannyń «Jetisý «komandasymen kezdesip, 1:0 esebimen utty. Sóıtip, týrnır kestesinde kósh bastap kele jatqan «Astana» úsh upaı jınap, ornyn myqtap aldy. Premer-lıgaǵa birinshi lıgadan kelgen «Aqjaıyq» komandasy da syrt alańda jeńisti toılap Oralǵa qaıtyp ketti. Olar «Tarazdyń» qaqpasynyń toryna bir goldy toǵytty. «Aqjaıyq» 4-týrda «Oqjetpesten» óz alańynda ońbaı jeńilgen bolatyn. Sol joly ketken eseni Tarazda qaıtarýǵa bar kúsh-jigerin salyp, dittegen maqsatyna jetti. «Jetisý» (Taldyqorǵan) – «Astana» (Astana) 0:1 (0:0) Gol: Iýrıı Logvınenko 77 «Taraz» (Taraz) – «Aqjaıyq» (Oral) 0:1 (0:0) Gol: Qýanysh Begalın 80 Sol sııaqty búgin Almaty, Kókshetaý, Qostanaı, Pavlodar qalalarynda kókmaısa alańǵa shyqqan komandalardyń oıyndary qyzyqty da tartysty ótti. Bul matchtar mynadaı eseppen aıaqtaldy: «Tobyl» (Qostanaı) – «Aqtóbe» (Aqtóbe) 1:2 (1:1) Goldar: Konstantın Dýdchenko 6 – Aslanbek Kákimov 21, Nıkıta Bocharov 70 «Oqjetpes» (Kókshetaý) – «Atyraý» (Atyraý) 2:0 (1:0) Goldar: Marat Haırýllın 43, Jasulan Moldaqaraev 59 «Ertis» (Pavlodar) – «Ordabasy» (Shymkent) 2:0 (0:0) Goldar: Roman Murtazaev 63, Gogıta Gogýa 73 «Qaırat» (Almaty) – «Shahter» (Qaraǵandy) 0:0 Dastan Kenjalın. Derek, foto: egemen.kz.