Ǵylymı zertteýlerdiń bereri mol

Keshe Prezıdent janyndaǵy Memlekettik basqarý akademııasynda «Etnosaralyq qatynastar jáne etnosaıasat salasynda júrgizilgen ǵylymı zertteýler nátıjeleri bo­ıynsha usynymdar ázirleý tehnologııasy» taqyrybynda ádistemelik semınar-trenıng óz jumysyn bastady. Onda atalǵan zertteý jumystaryn ádis­namalyq, ǵylymı-ádistemelik jáne kadrlyq jaǵy­nan qamtamasyz etýdi jetildirý máseleleri sóz boldy. Jıyndy ashqan Memlekettik basqarý akademııasynyń rektory Bolatbek Ábdirásilov osymen tórtinshi ret uıymdastyrylyp otyrǵan semınardyń mańyzdylyǵyn atap ótti. Onyń aıtýynsha, ǵylymı zertteýlerdiń mindetteri men tájirıbelik nátıjeleri talqylanatyn mundaı basqosýdyń bereri mol. Sondaı-aq, ol is-sharanyń ótýine Qazaqstan halqy Assambleıasy men Bilim jáne ǵylym mınıstrliginiń Ǵylym komıteti tikeleı muryndyq bolǵanyn jetkizdi. О́z kezeginde Qazaqstan halqy Assambleıasy Tóraǵasynyń oryn­basary Eraly Toǵjanov «Qoǵamdyq kelisim jáne jal­py­ulttyq birlik salasyndaǵy mem­­­lekettik saıasatty ǵylymı-saraptamalyq súıemeldeý: min­detterdiń qoıylýy jáne ja­ńa sheshimder» taqyrybynda baıan­dama jasap, ultaralyq saıa­sat jáne etnosaralyq qatynas máselesinde ǵylymı zertteýlerdiń baǵyt-baǵdary qandaı bolýy kerektigine toqtaldy. Bul jóninde ol: «Qazirdiń ózinde ultaralyq saıasatqa qatysty keıbir máse­lelerdiń bar ekeni belgili. Ondaı jaǵdaılardy ǵylymı turǵyda zerttep, ońtaıly degen nátıjeni tájirıbege engizýimiz kerek. Osy­laısha kez kelgen túıtkildi oń baǵytta sheshýge bolady. Jalpy, ultaralyq kelisim máselesinde ómirdiń shyndyǵyn, naqty saıasatty eskerý kerek. Sondyqtan, osy taqyrypta jazylǵan ǵylymı jumysta eldi biriktirýshi fak­tordyń bolýy tıis», – dedi. Sonymen qatar, E.Toǵjanov «Máńgilik El» jalpyulttyq pat­­­rıottyq ıdeıasynyń qundy­lyqtaryn tilge tıek etti. «Eldiń birligi men birtutastyǵyn nyǵaı­tatyn ustyn retinde «Máńgilik El» ıdeıasynyń mańyzy zor. Sebebi, táýelsizdiktiń tuǵyry da, negizi de, baǵyt-baǵdary da osy ıdeıamen tikeleı baılanysty. Sondyqtan, Elbasynyń osyǵan qatysty bergen naqty tapsyrmalaryn júzege asyryp, ony halyqqa túsindirý jolynda kúsh jumsaýymyz kerek», – degen QHA Tóraǵasynyń orynbasary Jańa Qazaqstandyq Pat­rıotızmdi qalyptastyrýda bul jumystardyń róli erekshe ekenin atap ótti. Odan bólek, semınarǵa qaty­sýshy ǵalymdar dárister men trenıngter ótkizý arqyly Elbasynyń 2012 jylǵy 14 jeltoqsandaǵy «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýy men «100 naqty qadam» Ult Jos­pary aıasynda elimizdiń mem­lekettik etnosaıasatynyń jańa mindetterin túsindirý, atalǵan saladaǵy zertteý jumystarynyń basym baǵyttaryn aıqyndaý, olardyń qazirgi jaı-kúıine taldaý jasaý máseleleri boıynsha óz tájirıbelerimen bólisti. Sondaı-aq, shara sheńberinde ǵylymı zertteý ádisnamasy, tájirıbelik usynymdardy ázirleý, alynǵan teorııalyq bilimdi qoldanysqa engizý, polıetnostyq qoǵamdaǵy bi­re­­geılik máselelerin zertteý, osy saladaǵy jańa tehnologııalardy meńgerý máseleleri qarastyryldy. Aıta keteıik, semınar-tre­­nıng búgin aıaqtalady. Baǵ­dar­lama boıynsha ekinshi kúni zert­teýshi ǵalymdar «Etnostyq já­ne dinı biregeılikti zertteý fak­torlarynyń erekshelikteri» ta­qyrybynda onlaın-dáriske qatysady. Sondaı-aq, búgin «Et­nosaralyq qatynas salasyn­daǵy zertteý jobalary: tájirıbe jáne aralyq nátıjeler» atty dóńgelek ústel ótkizilmek. Elaman QOŃYR, «Egemen Qazaqstan»