ASTANA. 14 sáýir. Astanada avıasııalyq tehnıkalyq ortalyq salynyp jatyr. Bul týraly egemen.kz tilshisi habarlady.
Onyń qurylysy aıaqtalýǵa jaqyn qaldy. Áskerı ortalyq avıasııalyq tehnıkany jóndeý jáne tehnıkalyq qyzmet kórsetý jóninde alǵashqy kópbeıindi kásiporyn.
«Bul elimiz úshin mańyzdy, otandyq ınjenerlerimiz turǵyzǵan áskerı nysan. Qurylystyń aıaqtalýy jaqyndap qaldy. Qurylys-montajdaý jumystary 97 paıyzǵa oryndaldy. Biz qurylysty jospar boıynsha aıaqtaımyz dep oılaımyn», dedi «Qazaqstandyq avıasııalyq ındýstrııa» JShS-nyń qurylys jónindegi bas dırektorynyń orynbasary Syrymbet Sádýaqasov.
Ortalyqtyń alǵashqy kórsetilimi «KADEX-2016» halyqaralyq qarý-jaraq pen áskerı-tehnıkalyq múlik kórmesinde usynylady. Bolashaqta ortalyq ushaqtarǵa tehnıkalyq qyzmet kórsetýdi josparlar otyr.
«Ol jerde An jáne S-295 tıpindegi áskerı ushaqtarǵa tehnıkalyq qyzmet kórsetý júrgiziledi. Ári qaraı áleýetti qurylymdardyń ushaqtaryna qyzmet kórsetý josparda bar», dedi «Qazaqstandyq avıasııalyq ındýstrııa» JShS kóliktik avıasııasy áýe kemeleriniń bólim bastyǵy Qaıyrjan Qushanbaev.
Ortalyqtyń qurylysymen «Qazınjınırıng» UK» AQ-tyń enshiles kásiporny «Qazaqstandyq avıasııalyq ındýstrııa» JShS aınalysyp jatyr.
Avıasııalyq ortalyqtyń jalpy qurylysynyń aýdany - 62 660 sharshy metr.
Dastan Kenjalın.
Derek, foto: Qorǵanys mınıstrligi.
