Uıyp otyrmyz

Jetisý jerinde 6,5 myńnan astam cheshen-ıngýsh turamyz. Qudaıǵa shúkir, jergilikti halyqpen birlese eńbek etip, yntymaǵymyz jarasyp, sútteı uıyp otyrǵan jaǵdaıymyz bar. 2005 jyldan bastap cheshen-ıngýsh etnomádenı birlestigi Almaty oblystyq Qazaqstan halqy Assambleıasy men «Dostyq úıi Qoǵamdyq kelisim ortalyǵy» mekemesimen tyǵyz qarym-qatynas orna­typ, byltyr «Qaıyrymdylyq kerýeni» jáne «Qazaqstan halqy Assambleıasynyń – 20 izgi isi» estafetasy aıasynda túrli meıirimdilik sharalaryn ótkizdik. Naqtylaı tússem, Taldyqorǵan qala­syndaǵy «Qamqor» múgedek balalar úıine kómek kórsettik. Balalardyń qýanyshynda shek bolmady. Meıirimdiliktiń ne ekenin árbir bala janarymen uǵyndyryp ta turdy. Búgingi tańda balalar úıinde 4-18 jas aralyǵyndaǵy aqyl-esi kem 135 múgedek bala turady. Olardy ýaqtyly emdep, densaýlyqtaryn kútip, saqtaýǵa memleket tarapynan jaqsy qoldaý kórsetilgen. Balalar úıinde tárbıelenýshilerdiń beıim­dilikterine oraı aıaq kıim jóndeý sheber­hanasyna, qysqy baq jylyjaıyna jumysqa tartyp, eńbekke aralastyrylýy qýanarlyq jaıt. Shyny kerek, sol jumysty jan-tán­derimen berile atqaryp júrgen balalar qımylynan erekshe bir shıraqtyq baı­qalady. Balalar úıine jasaǵan ıgi shara­nyń tamasha bir konsert qoıyp berdi. Án salyp, bı bılep, óz talanttaryn ashýǵa tal­pynǵandary qalaı jaqsy. Balalardy bizdiń «Vaınah» ansambliniń súıemeldeýimen birge cheshen tilinde bir­neshe án de oryndap berdi. Konsert sońyn­da balalarǵa arnap ashanada «Tátti taǵam» atty merekelik dastarqan uıym­dastyrdyq. Sonymen qatar, Qaratal aýdany, Úshtóbe qalasynyń orta mektebine 45 000 teńge qarajatqa kerekti kitaptar men syılyq­tar tabystaldy. Oblysymyzdyń muqtaj otbasylaryndaǵy balalarǵa 300 000 teńgeniń syılyqtary da berildi. Uly Otan soǵysynyń ardageri Sh.Ismaılovqa arnaıy syılyqtar, azyq-túlikterimen sebet tapsyryldy. Etnomádenı birlestik qaterli isikke shaldyqqan Kerbulaq jáne Sarqan aýdandarynyń azamattaryna qarjylaı kómek berdi. Qoryta aıtqanda, osy aptada «Qaıy­rymdylyq kerýeni» aıasynda jyl boıy atqarǵan jumysymyzdyń nátıjesi túıindeldi. Asııat IBRAGIMOVA, Almaty oblystyq «Vaınah» cheshen-ıngýsh etnomádenı ortalyǵy» qoǵamdyq birlestigi tóraǵasynyń orynbasary TALDYQORǴAN