ALMATY. 23 sáýir. Álemge «órmekshi adam» atymen jaqsy tanys, esimi Gınnestiń rekordtar kitabyna engen Alen Rober Almatydaǵy eń bıik Esentai Tower ǵımaratyna órmelep shyqty. Bul týraly egemen.kz tilshisi habarlady.
Bıiktigi 168 metr bolatyn ǵımaratqa Alen Rober myńdaǵan almatylyqtar men qala qonaqtarynyń kóz aldynda bir saǵatta ara-arasynda demalyp, tipti, kóz ushyndaǵy kórermendermen selfı jasaı otyryp shyqty. Qabyrǵasy shynydan qalanǵan ǵımartqa 53 jastaǵy fransýz sportshysy alpınıstik quraldardy paıdalandy. О́zine qansha senimdi bolsa da, shoýdy uıymdastyrýshylardyń talabymen Alen bul joly qaýipsizdik beldigin paıdalandy.
«О́rmekshi adam» aldaǵy ýaqytta Qytaıdaǵy, Ulybrıtanııadaǵy, Fransııadaǵy eń bıik ǵımarattardy baǵyndyrmaq oıda. Buǵan deıin ol dúnıejúzi elderindegi barlyǵy 70-ke jýyq bıik ǵımaratty baǵyndyrǵan. Olardyń ishinde IBM bas ǵımaraty, Hilton, Framatome, Kýala-Lýmpýrdaǵy Petronas munarasy, Barselonadaǵy Torre agbar, Məskeýdegi Máskeý memlekettik ýnıversıteti bar. Dýbaıdaǵy 828 metrlik «Býrdj Halıfaǵa» Alen 6 saǵatta shyqqan.
Alen Rober qazirgi zamanda álemge asa tanymal bolǵan Qytaıdyń Huawei aqparattyq-kommýnıkasııalyq tehnologııaǵa beıimdelgen kompanııasynyń sporttyq kıimin kıip, kompanııa týyn Esentai Tower-diń tóbesine tikti.
Talǵat Súıinbaı.
Derek: egemen.kz.
Sýret: Nıkolaı Sýdakov.
