Temirtaýlyq stýdent halyqaralyq forýmda júldeger atandy

QARAǴANDY. 24 sáýir. Temirtaý qalasyndaǵy Qaraǵandy memlekettik ındýstrıaldyq ýnıversıtetiniń (QMIÝ) birinshi kýrs stýdenti Súndet Tursynbek «Urpaqtar aralyǵyndaǵy «Jasyl» kópir» atty halyqaralyq stýdentter forýmynda júldeger atandy. Bul týraly oqý ornynyń baspasóz qyzmetine silteme jasaǵan egemen.kz tilshisi habarlady. Ál-Farabı atyndaǵy Qazaq ulttyq ýnıversıtetinde ótken forýmǵa Belarýs, Reseı, Qyrǵyzstan, О́zbekstan, Ulybrıtanııa syndy shet memleketterden jáne Qazaqstannan 22 ýnıversıtettiń 300-den astam stýdent jastary kelip qatysqan. Jas zertteýshiler sarapshylar taqysyna 200-den astam baıandama usyndy. Súndet Tursynbek QMIÝ-da «Serpin» baǵdarlamasy boıynsha bilim alady. Temirtaýǵa ol Ońtústik Qazaqstan oblysynyń Saıram aýdanynan kelgen. Forýmda bolashaq ǵalym «Jasyl» ekonomıkaǵa kóshý: bilim berý, ǵylym jáne óndiristiń ózara is-qımyly» seksııasynda baıandama jasaǵan bolatyn. Jıyn qorytyndysynda qazylar arqasy temirtaýlyq stýdenttiń «Aral men Semeıdiń ekologııalyq máseleleri. Teńizdi qurǵatýdyń matematıkalyq úlgileri» atty jumysyn úshinshi júldege laıyq dep tanydy. Qaırat Ábildınov. Derek, foto: Qaraǵandy memlekettik ındýstrıaldyq ýnıversıtettiń baspasóz qyzmeti.