Arheologtar 5 myń jyl burynǵy qabirdiń ornyn tapty

ASTANA. 29 sáýir. Taıvanda arheologtar 5 myń jyl buryn kómilgen 48 adamnyń máıitin tapty. Bul týraly spbdnevnik.ru-ǵa silteme jasaǵan egemen.kz tilshisi habarlady. Olardyń arasynda bir áıeldiń súıegi kópshiliktiń nazaryn aýdartty. Ereksheligi – ol sábıin ustaǵan kúıi jerlengen. Jaratylystaný ǵylymdarynyń ulttyq murajaıy antropologııa bóliminiń qyzmetkeri Chjý Hýeılı mamandardyń tańdanystaryn jasyra almaǵanyn aıtty. Ǵalymdar onyń tisteri arqyly osydan 4800 jyl buryn, ıaǵnı neolıt dáýirinde ómir súrgenin anyqtady. Zertteý nátıjeleri boıynsha jerlengen kezde jasy 20-da bolǵany belgili boldy. Boıynyń uzyndyǵy 160 santımetr. Al qolyndaǵy sábıdiń tipti, tisteri de shyǵyp úlgermegen, boıy 50 santımetr. Sonymen qatar, qabirden ydys-aıaqtar da tabyldy. Mundaı qorymdar osyǵan deıin de tabylǵan. О́tken jyly Qytaıdyń arnaıy qurylǵan toby qola dáýirinde tirshilik etken anasy men balasynyń qańqalaryn tapty. Boljam boıynsha zilzala kezinde balasyn qorǵamaq bolǵan. Aıan Ábdýálı. Derek: spbdnevnik.ru. Foto: youtube.com.