Tájikstanda jer silkinisi tirkeldi

Keshe Tájikstanda 6,1 balldyq jer silkinisi boldy. Onyń epısentri eldiń Qytaı shekarasyna jaqyn ornalasqan Qaraqol qalasynan 106 shaqyrym jerde tirkeldi. Al jer silkinisiniń kúshi respýblıka astanasy Dýshanbe qalasynda 3 balldy kórsetken. Ázirshe eshqandaı qıraǵan, búlingen qurylystar týraly málimet joq. Qaza bolǵandar týraly da eshteńe aıtylmaıdy. Jer silkinisiniń zardaptary el es jıǵan soń naqtylanatyn sııaqty. Degenmen, tabıǵat apaty halyq az qonystanǵan aımaqta oryn alǵandyqtan, onyń saldary sonshalyqty aýyr bolmaýy da múmkin. Sodyrlar prezıdentti jolynan qaldyrdy Ýkraınanyń Donesk oblysyndaǵy Makeevka qalasynda qulaq estimegen sodyrlyq jasaldy. Belgisiz bireýler tań aldynda qalanyń túrli aýdandarynda eki jarylys jasaǵan. Áıteýir eshkim zardap shekken joq. Qalanyń ákimshilik ǵımaratyna japsyryp ketken hatta olar 4 mln. eýro taýyp bermeseńder, áli bes jarylys jasaımyz dep qoqan-loqqy jasaǵan. Sodan ata-analar balalaryn mektepke jiberýge qorqyp otyr. Al eldiń prezıdenti Vıktor Iаnýkovıch óziniń Japonııaǵa baratyn saparynan bas tartýǵa májbúr boldy. Qazir qylmyskerler jiti izdestirilip jatyr. Ierýsalımsiz egemen Palestına joq «Ál-Jazıra» aqparat agenttigi Palestına men Izraıl arasynda 2008 jyly bolǵan kelissózderdiń qupııa qujatta­ryn qolǵa túsirdik dep jarııalady. Onda Palestına delega­sııasy ózderiniń Shyǵys Ie­rýsalımnen túbegeıli bas tartýǵa daı­yn ekendigin málimdegen deıdi agenttik. Biraq sol kezde Palestına delegasııasyna basshylyq etken Ahmed Kýreı bul málimdemeniń shyndyqqa úsh qaınasa sorpasy qosylmaıtyn múldem jalǵan málimdeme ekenin kóldeneń tartyp otyr. Onyń sózine qaraǵanda, bul Palestına basshylyǵynyń bedelin túsirý úshin qoldan jasalǵan qujat. Kelissózder barysynda tipti bul týraly áńgime de qozǵalǵan joq, deıdi ol. Gaz quıý stansasyndaǵy alapat jarylys Reseı avtonomııalarynyń biri – Býrıatııadaǵy Transsibir temir jolyna taıaý mańdaǵy gaz quıý stansalarynyń birinde kúshti jarylys bolyp, bir adam qaza tapty jáne ekeýi aýyr jaralandy. Jarylys Onohoı kentinde bolǵan. Kóz kórgenderdiń aıtýyna qaraǵanda, barlyǵy 3 sısterna gaz jarylyp, sonyń kesirinen 150 sharshy metrdeı jerdi úlken órt alyp ketken. О́rtti sóndirýge 50-den artyq adam kúshi men birqatar tehnıka tartylǵan. Qazir jarylystyń sebebin anyqtaý úshin jergilikti ókimet arnaıy komıssııa qurdy. Ekinshi qaıtara prezıdent boldy Portýgalııadaǵy prezıdent saılaýy birinshi týrda-aq ná­tı­je berip, eldiń qazirgi prezıdenti 71 jastaǵy Anıbal Kavaký Sılva  saılaýshylar daýysynyń 53,1 paıyzyn alyp, bı­likke ekinshi márte qol jetkizdi. Daýys berýge saılaý quqy bar azamattardyń 46,7 paıyzy kelgen. Bul da Eýropa úshin úlken kórsetkish. Qazirgi prezıdent óziniń negizgi qarsylasy, 74 jastaǵy Manýel Alegrege qara­ǵan­da 33,2 paıyz artyq daýys jınaǵan. Al ol bar bolǵany 19,7 paı­yz daýys alǵan. Internet materıaldary negizinde ázirlendi.