Refrıjerator qursaýdan qutqaryldy

Áskerı ushaqta da kóshten qalar emes Qytaı joıǵysh ushaǵynyń besinshi býynyn jasaýǵa qol jetkizip, ony synaqtan ótkizdi. Bul oqıǵa álemdegi barlyq mamandardy tańqaldyryp otyr. О́ıtkeni, olardyń pikirinshe, Qytaıdyń konstrýktorlyq aqyl-oıy men tehnıkalyq múmkinshilikteri oǵan qol jetkizýge áli erte edi. Osy ýaqytqa deıin AQSh pen Reseıde ǵana ondaı joıǵysh ushaqtar bar-tyn. Keıbir sarapshylar Qytaıdyń bul áskerı ushaǵyn 1999 jyly Serbııada atyp túsirilgen AQSh-tyń osy býyndaǵy bombalaǵysh ushaǵynyń kóshirmesi desedi. Qytaı­lyqtar onyń qaldyqtaryn jergilikti turǵyndardan metall synyǵy retinde satyp alypty-mys... Biraq AQSh-tyń áskerı-áýe kúshteriniń ókili muny teriske shyǵaryp otyr. Keshe Ohot teńizindegi muz qursaýynda qalǵan Reseıdiń «Bereg nadejdy» atty taǵy bir teńiz refrıjeratory qutqaryldy. «Admıral Makarov» atty muzjarǵysh keme jeltoqsan aıy­nyń aıaǵynan beri qursaýda turǵan refrıjeratordy qutqaryp, tirkegen kúıi tynystaıtyn teńiz alańyna bir-aq jetkizdi. Kóp ýaqytqa teńizde balyq aýlaýǵa shyqqan refrıjerator kúnniń kúrt sýyp ketýiniń kesirinen baılanǵan muzdy jaryp shyǵa almaı, qursaýda qalǵan edi. Buǵan deıin de osyndaı biraz balyq aýlaıtyn kemeler muzdan qutqarylǵan bolatyn.