Aqtóbe qalasynda ıntellektýaldyq baıqaý ótti

AQTО́BE. 4 mamyr. Qazaqstan Táýelsizdiginiń 25 jyldyǵyna oraı «Qazhromda» eń úzdik bilimpazdar anyqtaldy. Bul týraly egemen.kz tilshisi habarlady. Aqtóbedegi Metallýrgter mádenıet úıinde ótken besinshi «Shans» ıntellektýaldyq baıqaýynda Aqtóbe, Qaraǵandy jáne Pavlodar oblystarynyń bes komandasy baq synady. «Qazhromnyń» fılıaldary – Dóń taý-ken baıytý kombınaty, «Kazmarganes» ken basqarmasy, Aqsý jáne Aqtóbe ferroqorytpa zaýyttarynyń jas zerdelilerinen bólek, oıynǵa alǵash ret kompanııanyń apparat basqarmasynyń ókilderi qatysty. Eýrazııalyq top (ERG) quramyndaǵy «Qazhromnyń» qyzmetine qatysty kompanııanyń top-menedjerleri joldaǵan taspa-suraqtar men naqty ǵylym, geografııa aýmaǵyndaǵy saýaldar qatysýshylardyń oı ushqyrlyǵyna, ónerpazdyqtarynanó, bilimpazdyqtaryna, jedel sheshim qabyldaýlaryna jáne komandalyq rýhyna úlken syn boldy. Uıymdastyrý komıtetiniń tóraǵasy, adam resýrstaryn basqarý departamentiniń bastyǵy Venera Muhamedzıanovanyń aıtýynsha, bul shara shyǵarmashylyq pen zııatkerlik áleýetti damytyp, daryndy jastardy anyqtaýǵa, qabilet-qarymyn jetildirý úshin uıymdastyrylyp otyr. Saıystyń bes kezeńiniń qorytyndysy boıynsha Aqtóbe ferroqorytpa zaýyty eń úzdik komanda dep tanyldy.  Aqsý ferroqorytpa zaýytynyń komandasy ekinshi oryndy, al kompanııanyń appparat basqarmysynyń komandasy úshinshi orynǵa ıe boldy. О́tken jyly «Qazhrom» kompanııasy jastardyń kásibı biliktiligin damytýǵa jáne sheberligin shyńdaýǵa 41 mln.teńge astam qarajat jumsady. Satybaldy Sáýirbaı. Derek, foto: egemen.kz