Balalar týrızminiń bıik belesi

Sońǵy jyldary respýblıkamyzda Elbasy tapsyrmasyna sáıkes ishki týrızmdi damytýǵa erekshe kóńil bólinip keledi. Bir sózben aıtqanda, muny eresekter týrızmi dese de bolady. Sonymen birge, balalar men jasóspirimder týrızmi degen de uǵym bar. Aldyńǵysyna qaraǵanda týrızmniń bul túrin damytý áldeqaıda jaýaptyraq ári áldeqaıda kúrdelirek. О́ıtkeni, balalar týrızmi jetkinshek urpaqtardy, elimizdiń erteńin tárbıeleý men qalyptastyrýda aıryqsha oryn alady. Oral óńirinde atalmysh týrızm túriniń ejelgi dástúri men tarıhy bar. Mysaly, munda balalar týrızmin uıymdastrý isi budan elý bes jyl buryn, ıaǵnı ótken ǵasyrdyń alpysynshy jyldarynyń bas kezinde qolǵa alyna bastapty. Sol ýaqyttan beri oblysta bul iste kóptegen oń tájirıbeler jınaqtalyp, batyl bastamalar júzege asty. Sonyń nátıjesinde Aqjaıyq aýmaǵyndaǵy balalardyń ishki týrızmin damytý men órkendetý jónindegi ómirsheń is-sharalar men oń tájirıbeler elordamyz Astana men Almaty qalalaryna jáne respýblıkanyń barlyq oblystaryna úlgi-ónege retinde usynyldy. Taǵylym alatyn jaıt retinde taratyldy. Bul jóninde Memlekettik hatshynyń arnaıy sheshimi de qabyldandy. Munyń bári, árıne, oblystaǵy balalar men týrızm ortalyǵy, sonyń ishinde onyń dırektory Vıktor Fomın úshin úlken abyroı. Sonymen birge, joǵary jaýapkershilik pen mereıli min­det ekeni kámil. О́ńirde jáne tutastaı elimizdegi balalar men jasóspirimder týrızminiń keńinen órkendeýine ortalyq janynan shyǵatyn jáne respýblıka kólemine taralatyn «Soqpaq» jýrnalynyń da tıgizgen septigi mol. Ortalyq basshysy V.P.Fo­mınniń bastamasymen dástúrge enip úlgergen «Hrýstaldy shoqyr» júldesiniń orny bólek. Balalar men jasóspirimder týrızmin damytýǵa qoldaý kór­setip, janashyrlyq tanytyp júrgen is basyndaǵy azamattar sońǵy bes jyl bederinde osy júldemen marapattalyp júr. Talas joq, ólke men el tarı­hyn zerdeleýge, ony el-jurt­tyń júrekterine jetkizip, sanalaryna jetkizýge týrızm jan­ashyrlarynyń qosqan úlesi qomaqty. Bıylǵy jyly «Hrýstaldy shoqyr» júldesi onyń ıeger­lerine on eki atalym boıynsha tabys etildi. Olardyń qata­rynda saıahattyq-ólketaný qyz­­meti men qosymsha bilim berý jú­ıesiniń úzdik uıymdas­ty­rýshylary, tań­daýly ádis­te­melik eńbekterdiń av­tor­lary, kúr­kelik jáne sta­sıo­narlyq lager­lerdiń jáne tý­rıstik joryq­tar men eks­pe­dısııalardyń kósh­bastaý­shylary, birqatar aýdan ákim­deri men olardyń orynbasarlary, BAQ ókilderi bar. Mine, Oral óńirinde balalar týrızminiń búginge jetken bıik belesteri osyndaı. Temir QUSAIYN, «Egemen Qazaqstan» Batys Qazaqstan oblysy Sýrette: «Hrýstaldy shoqyr» júldesi osylaı márege jetti Sýretti túsirgen Rafhat HALELOV