«Júrek jylýynyń» jalǵasy

Myna dúnıeniń tiregi – meıirim. Egerde adamdar boıynan meıirim men izgilik joıylar bolsa, onda jal­ǵanda taban tireıtin eshteńe qal­maıdy. Barlyq qundylyqtardyń qadiri ketedi. Al meıirimniń úlken-kishisi bolmaıdy. Kisige jaqsy sózińizdi arnasańyz, qulap jat­qanynda qoltyǵynan demeseńiz, durys joldy baǵyttasańyz, jetim-je­sirdiń mańdaıynan sıpap, kómek qolyn sozsańyz, baıly­ǵy­­ńyz­dan bólip bermeseńiz de, qar­­jy­laı kómek qylsańyz, osy sekild­i dúnıelerdiń arǵy jaǵynda meıi­rim tur. Adamgershilik tur. Baı­ly­ǵyńyzdy bólip bermeseńiz degen­nen shyǵady, ótkende Barlyq Meńdiǵalıev atty kásipker óziniń 40 myń dollar qarjysyn qara­maǵyndaǵy 117 jumysshysyna teń­deı bólip berdi degen aqparat oqy­dyq. Oqydyq ta, onyń jigeri men erligine tańǵaldyq. Dúnıe sur­la­nyp turǵan myna zamanda mundaı Atym­­taı jomarttyń bolýy, onyń qazaq arasynan shyǵýy qaıran qal­dyrd­y. Erlik demeske laj joq. О́ıtkeni, mundaı qadamǵa ekiniń biri bara almaıdy. Barlyq Meńdiǵalıevteı bol dep eshkimge aqyl aıta almaı­myz. Biraq Abaı atamnyń «Bolmasań da uqsap baq» degen sózin qa­perge salǵymyz keledi. Byltyr Qyzylorda oblysynda bir iz­gi­likti shara bastaldy. Ol – «Júrek jylýymen» dep atalady. Qaıy­rym­­dylyq aksııasynyń aty aıtyp tu­rǵandaı, bul – muqtaj, az qam­tyl­ǵan otbasylarǵa ultjandy azamattar, bıznes qurylymdary men memlekettik, qoǵamdyq uıym ókilderi, jomart jurshylyqtyń kómek kórsetýi edi. Osy oraıda, «Meıirim-Qyzylorda» qoǵamdyq qoryna birinshi bolyp oblys ákimi Qyrymbek Kósherbaevtyń ózi úles qosqanyn aıta ketý kerek. Atal­ǵan shara aıasynda 7 mıllıon teńge jınaldy. Jınalǵan qarjyǵa 1200 otbasyna materıaldyq kómek kór­setildi. Jalpy, qaıyrymdylyq aksııa­sy ba­rysynda birinshi qa­jet­­tiliktegi azyq-túlik jáne bas­qa da ke­rekti zattar tıelgen 22 avto­­kó­lik turmysy tómen otbasy­lar­yn ara­lap, taratyp berdi. Mun­daı aýqymdy qaıyrymdylyq aksııasy Syr óńirinde alǵash ret uıym­das­tyrylyp otyrǵanyn da sóz ara­syna synalaı keteıik. Sonymen aksııa bir kúndik bolyp qana qaldy ma? Joq. Igilikti shara bıyl da óz jalǵasyn tapty. Ásirese, atalǵan aksııaǵa Qyzylorda qalalyq máslıhatynyń depýtattary belsene atsalysýda. Máslıhat hatshysy Roza Bohanova áriptesterin «Júrek jylýymen» aksııasyna qatysyp, óz okrýg­terindegi áleýmettik jaǵy­nan az qam­tylǵan otbasylarǵa kómek­­te­sý­ge shaqyrdy. Solaısha, qala­daǵy 19 saı­­laý okrýgindegi muq­taj ot­basy­lar­dyń tizimi ja­salyp, depý­tat­tar aksııany qoldaýdy bas­tap ketti. Bul sharanyń bir rettik emes, jyl so­ńy­na deıin jalǵa­sa­tynyn aıtqan abzal. «Júrek jylýymen» aksııasyna eń aldymen Ájibek Mampaev, Baqdáýlet Ysqaqov, Illarıon Lı, Ánýar Naqyp, Sábıt Pazylov, Talǵat Maqashov, Nurbolat Ibraev, Jasulan Jarasbaev sekildi depý­tattar belsene atsalysty. «Bir qo­­lyń­­nyń bergenin, ekinshi qolyń bil­mesin» degen támsil bar. Halyq saı­laǵan depýtattar jasaǵan jaq­sylyǵyn, kórsetken kómegin aıdaı álemge jar salyp aıtyp jatqan joq. Degenmen, mundaı isten el habardar da bolýy kerek qoı dep oılaımyz. Shara barysynda turmysta qajet­ti, eń birinshi tutynatyn azyq-tú­lik jınaldy. Ol qaladaǵy 16 o­tba­syna taratylyp berildi. Ár depý­tat úılerdi ózi aralap, ha­lyq­tyń tur­mys-tirshiligimen tany­syp, muq­taj­dyqtaryn bilip, kómegin kór­setip ketti. Qara­­pa­ıym jurt­shylyq halyq qalaý­ly­lary­nyń ózderine kóńil bólip, muń-aryzyn tyńdap, qoldan kelgenshe járdem etkenine shyn nıetimen alǵysyn aıtty. Bul da bolsa adamgershilik, meıi­rim atty qasıetterdiń joǵalma­ǵa­ny­­nan, adamdardyń bir-birine bo­ly­sý nıetinen týǵan shara der edik. Erjan BAITILES, «Egemen Qazaqstan» QYZYLORDA