Qazaqstan Respýblıkasy Mádenıet jáne sport mınıstrliginiń buıryǵy  №371

2015 jylǵy 2 jeltoqsan, Astana qalasy Monýmentti ónerdiń jańa qurylystaryn ornatý qaǵıdalaryn bekitý týraly Qazaqstan Respýblıkasynyń 1992 jylǵy 2 shildedegi «Tarıhı-mádenı mura obektilerin qorǵaý jáne paıdalaný týraly» Zańynyń 19-babynyń 14-10) tarmaqshasyna sáıkes buıyramyn: 1. Qosa berilip otyrǵan Monýmentti ónerdiń jańa qurylystaryn ornatý qaǵıdalary bekitilsin. 2. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty memlekettik tirkegennen keıin «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin kúntizbelik on kún ishinde onyń kóshirmelerin elektrondyq nusqada eltańbaly mórmen rastalǵan qaǵaz danasynyń kóshirmesimen, Qazaqstan Respýblıkasynyń normatıvti quqyqtyq aktileriniń etalondy baqylaý bankine engizý úshin osy buıryqqa qol qoıýǵa ýákiletti tulǵanyń elektrondy sandyq qoltańbasymen kýálandyrylǵan kóshirmesin elektrondyq nusqada eltańbaly mórmen rastalǵan qaǵaz danasynyń kóshirmesimen birge berýdi; 3) osy buıryqty resmı jarııalanýynan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy; 4) osy buıryqtyń resmı jarııalanýynan keıin on jumys kúni ishinde Qazaqstan respýblıkasy Mádenıet jáne sport mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarymen qarastyrylǵan is-sharalardyń oryndalýy týraly málimet berýdi qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń mádenıet jáne sport vıse-mınıstrine júktelsin. 4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýy tıis. Mınıstr A.MUHAMEDIULY Qazaqstan Respýblıkasy Mádenıet jáne sport mınıstriniń 2015 jylǵy 2 jeltoqsandaǵy №371 buıryǵymen bekitilgen Monýmentti ónerdiń jańa qurylystaryn ornatý qaǵıdalary 1. Jalpy erejeler 1. Osy Monýmentti ónerdiń jańa qurylystaryn ornatý qaǵıdalary (budan ári – Qaǵıdalar) monýmentti ónerdiń jańa qurylystaryn ornatý tártibin anyqtaıdy. 2. Asa kórnekti tulǵalardy, mańyzdy tarıhı oqıǵalardy monýmentti ónerdiń jańa qurylystaryn ornatý arqyly máńgi este qaldyrý asa kórnekti tulǵanyń qaıtys bolǵan nemese tarıhı oqıǵanyń bolǵan kúninen bastap keminde bes jyl ótken soń júzege asyrylady. 3. Monýmentti ónerdiń jańa qurylystaryn ornatý tarıhı-mádenı muralardy qorǵaý jáne paıdalaný salasyndaǵy ýákiletti organnyń (budan ári – ýákiletti organ) sheshimi negizinde júzege asyrylady. 2. Monýmentti ónerdiń jańa qurylystaryn ornatý tártibi 4. Memlekettik organdar, zańdy jáne jeke tulǵalar toqsannyń sońǵy aıynyń 25-kúnine deıin ýákiletti organǵa monýmentti ónerdiń jańa qurylystaryn (budan ári – jańa qurylys) ornatý jónindegi usynystaryn joldaıdy. 5. Memlekettik organdardyń, zańdy jáne jeke tulǵalardyń jańa qurylys ornatý týraly usynystaryn qaraý úshin ýákiletti organ monýmentti ónerdiń jańa qurylystaryn ornatý jónindegi komıssııa (budan ári – Komıssııa) qurady. 6. Jańa qurylys ornatý jónindegi kelip túsken usynystar Komıssııamen: 1) asa kórnekti tulǵanyń Qazaqstan Respýblıkasy aldyndaǵy eńbek úlesiniń jáne (nemese) Qazaqstan Respýblıkasy úshin tarıhı mańyzdylyǵynyń bolýyna; 2) osy Qaǵıdalardyń 2-tarmaǵynyń talaptaryna sáıkestiligine qaralady. 7. Komıssııa sheshimi usynymdyq sıpatqa ıe bolady jáne hattamamen resimdeledi. 8. Komıssııanyń hattamasyn eskere otyryp, oǵan qol qoıylǵan kúninen úsh jumys kúni ishinde, ýákiletti organ kelesi sheshimderdiń birin qabyldaıdy: 1) kelip túsken usynysty qoldaý jáne osy Qaǵıdalardyń 10-tarmaǵynda kórsetilgen qujattardy, jańa qurylystyń maketin usyný týraly usynym berý; 2) asa kórnekti tulǵanyń Qazaqstan Respýblıkasy aldyndaǵy eńbek úlesiniń jáne (nemese) Qazaqstan Respýblıkasy úshin tarıhı mańyzdylyǵynyń bolmaýyna jáne osy Qaǵıdalardyń 2-tarmaǵynyń talaptaryna sáıkessizdigine oraı jańa qurylysty ornatýǵa qarsylyq kórsetý. Ýákiletti organ qabyldanǵan sheshim jóninde memlekettik organdardy, zańdy jáne jeke tulǵalardy sheshim qabyldanǵan kúninen bastap úsh jumys kúni ishinde habarlaıdy. 9. Jańa qurylysty ornatý jónindegi usynystar qoldaý tapqan jaǵdaıda, memlekettik organdar, zańdy jáne jeke tulǵalar ýákiletti organǵa toqsannyń sońǵy aıynyń 25-kúnine deıin kelesi qujattardy jáne jańa qurylystyń maketin joldaıdy: 1) asa kórnekti tulǵany jáne (nemese) mańyzdy tarıhı oqıǵany máńgi este qaldyrý týraly erikti nusqadaǵy hat; 2) asa kórnekti tulǵanyń eńbek úlesin jáne (nemese) mańyzdy tarıhı oqıǵanyń mańyzdylyǵyn rastaıtyn arhıvtik jáne ózge qujattardyń kóshirmeleri; 3) jańa qurylysty ornatý úshin bólingen jer telimin rastaıtyn qujat (sheshim, qaýly); 4) jańa qurylysty qarjylandyrý kózderin rastaý; 5) jańa qurylystyń nobaılyq jobasy: jańa qurylystyń ataýyn jáne onyń ornalasatyn ornyn; jańa qurylystyń avtorlarynyń (sáýletshi, músinshi) tegi, aty, ákesiniń aty (bolǵan jaǵdaıda) jáne olardyń qoltańbalaryn; jańa qurylystyń qysqa negizdemesin jáne sáýlettik-kórkemdik, kompozısııalyq sheshimderin, konstrýksııalyq sıpattamasyn jáne aýmaqty abattandyrý elementterin, boljamdy júzege asyrý merzimin mazmundaıtyn túsindirme jazbany; jańa qurylystyń qalaqurylysy qurylymyndaǵy jerde ornalasýynyń dúnıeniń tórt baǵyty kórsetilgen sıtýasııalyq shemasyn; 1:500 (1:200) masshtabtaǵy jańa qurylystyń abattandyrý elementterimen bas jospary. 10. Komıssııamen usynylǵan qujattardyń tolyqtyǵy jáne anyqtylyǵy, jańa qurylystyń maketi kórkemdik beıneliligi turǵysynan qaralady. Kórkemdik beınelilik tulǵanyń shynaıy bet beınesimen uqsastyǵyn, jańa qurylys sulbasynyń kólemi men formasynyń, deneniń jeke músheleri, kıim bólshekteriniń, zattarynyń úılesimdiligin qamtıdy. 11. Komıssııanyń hattamasyn eskere otyryp, oǵan qol qoıylǵan kúninen úsh jumys kúni ishinde, ýákiletti organ kelesi sheshimderdiń birin qabyldaıdy: 1) jańa qurylysty ornatý týraly; 2) jańa qurylys maketiniń kórkemdik beıneliginiń joqtyǵyna, osy Qaǵıdalardyń 10-tarmaǵynda kórsetilgen usynylǵan qujattardyń tolyq jáne (nemese) anyq bolmaýyna oraı qabyldamaý týraly. Ýákiletti organ qabyldanǵan sheshim jóninde memlekettik organdardy, zańdy jáne jeke tulǵalardy sheshim qabyldanǵan kúninen bastap úsh jumys kúni ishinde habarlaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 24 jeltoqsanda Normatıvtik quqyqtyq kesimderdi memlekettik tirkeýdiń tizilimine №12497 bolyp engizildi.