Qazaqstan Respýblıkasy Mádenıet jáne sport mınıstrliginiń buıryǵy №209

2015 jylǵy 9 maýsym,  Astana qalasy Sport mektepterine jáne sport mektepteriniń bólimshelerine «mamandandyrylǵan» degen mártebe berý qaǵıdalaryn bekitý týraly «Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasy Zańynyń 7-babynyń 43) tarmaqshasyna sáıkes buıyramyn: 1. Qosa berilip otyrǵan Sport mektepterine jáne sport mektepteriniń bólimshelerine «mamandandyrylǵan» degen mártebe berý qaǵıdalary bekitilsin. 2. Qazaqstan Respýblıkasynyń Mádenıet jáne sport mınıstrliginiń Sport jáne dene shynyqtyrý isteri komıteti (E.B. Qanaǵatov) belgilengen zańnamalyq tártippen: 1) Qazaqstan Respýblıkasy Ádilet mınıstrligine osy buıryqty memlekettik tirkeýge usynylýyn; 2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn; 3) resmı jarııalanǵannan keıin osy buıryqtyń Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýyn; 4) osy tarmaqpen kózdelgen is-sharalardyń oryndalýy týraly málimetterdi is-sharalardy oryndaǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin. 3. «Sport mektepterine jáne sport mektepteriniń bólimshelerine «mamandandyrylǵan» mártebelerin berý qaǵıdalaryn bekitý týraly» Qazaqstan Respýblıkasy Sport jáne dene shynyqtyrý isteri agenttigi tóraǵasynyń 2014 jylǵy 28 shildedegi № 293 buıryǵynyń (normatıvtik quqyqtyq aktilerdiń memlekettik tiziliminde № 9676 bolyp tirkelgen, 2015 jylǵy 15 qańtarda «Egemen Qazaqstan» gazetiniń № 8 (28486) nómirinde jarııalanǵan) kúshi joıyldy dep tanylsyn. 4. Osy buıryqtyń oryndalýyn baqylaý Qazaqstan Respýblıkasynyń Mádenıet jáne sport vıse-mınıstri S.J. Musaıbekovke júktelsin. 5. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Mádenıet jáne sport mınıstriniń mindetin atqarýshy M.ÁZILHANOV Qazaqstan Respýblıkasy Mádenıet jáne sport mınıstrliginiń 2015 jylǵy 9 maýsymda №209 buıryǵymen bekitilgen Sport mektepterine jáne sport mektepteriniń bólimshelerine «mamandandyrylǵan» degen mártebe berý qaǵıdalary 1. Jalpy erejeler 1. Osy Sport mektepterine jáne sport mektepteriniń bólimshelerine «mamandandyrylǵan» degen mártebe berý qaǵıdalary (budan ári - Qaǵıdalary) sport mektepterine jáne sport mektepteriniń bólimshelerine «mamandandyrylǵan» degen mártebe berý tártibin aıqyndaıdy. 2. Sport mektepterine jáne sport mektepteriniń bólimshelerine «mamandandyrylǵan» degen mártebe osy sport mektepteriniń jáne sport túrlerinen bólimshelerdiń qyzmetkerlerin materıaldyq yntalandyrý, sondaı-aq olardyń joǵary dárejeli sportshylardy daıarlaýǵa jáne Qazaqstan Respýblıkasy qurama komandalarynyń rezervin daıyndaýǵa múddesin arttyrý maqsatynda beriledi. 3. Oblystyń, respýblıkalyq mańyzy bar qalanyń, astananyń jergilikti atqarýshy organy (budan ári - jergilikti atqarýshy organ) sport mektepterine jáne sport mektepteriniń bólimshelerine «mamandandyrylǵan» mártebelerin berý týraly sheshim qabyldaıtyn organ bolyp tabylady. 2. Mártebelerdi berý tártibi 5. Sport mektepterine «mamandandyrylǵan» degen mártebe berý úshin mynadaı sharttar saqtalady: 1) óz menshiginde nemese jalǵa alynǵan sporttyq obektiniń (úı-jaıdyń) bolýy; 2) ár jumys istep jatqan «mamandandyrylǵan» sport mektepteriniń sport túrinen bólimshelerdiń árqaısysynda keminde 4 adamnan turatyn jattyqtyrýshy-oqytýshylyq quramnyń bolýy; 3) «Qazaqstan Respýblıkasynyń sport sheberi», «Qazaqstan Respýblıkasynyń halyqaralyq dárejedegi sport sheberi» ataǵy bar sportshylardyń, respýblıkalyq jáne halyqaralyq jarystardyń sporttyq nátıjeleriniń (chempıon men júldeger) bolýy; 4) keminde 2/3 bóliginde sport túrinen mamandandyrylǵan bólimshelerdiń bolýy; 5) sport mektebi sportshylarynyń turaqty medısınalyq tekserýden ótýi týraly sport mektebi men dárigerlik-dene shynyqtyrý dıspanseri nemese basqa da medısınalyq uıymdar arasynda jasasqan sharttyń bolýy. 6. Sport mektepteriniń sport túrleri boıynsha bólimshelerine «mamandandyrylǵan» degen mártebe berý úshin myna sharttar saqtalady: 1) sport túri boıynsha bólimsheler óz qyzmetin júzege asyratyn sport mektepteriniń óz menshiginde nemese jalǵa alynǵan sporttyq obektiniń (úı-jaıdyń) bolýy; 2) sport túrleri boıynsha bólimshelerde keminde 4 adamnan turatyn jattyqtyrýshy-oqytýshylyq quramynyń bolýy; 3) sport túrleri boıynsha bólimshelerde «Qazaqstan Respýblıkasy sport sheberine úmitker», «Qazaqstan Respýblıkasynyń sport sheberi», «Qazaqstan Respýblıkasynyń halyqaralyq dárejedegi sport sheberi» ataǵy, respýblıkalyq jáne halyqaralyq jarystardyń sport nátıjeleri (chempıon men júldeger) bar sportshylardyń bolýy; 4) sport túrleri boıynsha bólimshelerde keminde eki sporttyq jetildirý tobynyń bolýy (bir sporttyq jetildirý tobynda shuǵyldanýshy adamdar sany damytylatyn sport túrine qaraı 2 adamnan bastap 6 deıin adamdy quraıdy). 5) sport mektebiniń jáne dárigerlik-dene shynyqtyrý dıspanseri nemese basqa da medısınalyq mekemeler arasynda sport túrleri boıynsha bólimsheler oqýshylarynyń medısınalyq tekserýden turaqty ótýi týraly jasasqan sharttyń bolýy. 7. Sport mektepterine jáne sport mektepteri bólimshelerine «mamandandyrylǵan» degen mártebe ony jergilikti atqarýshy organ bergen kúninen bastap tórt jyl boıy qoldanysta bolady. 8. Sport mektepterine jáne sport mektepteriniń bólimshelerine «mamandandyrylǵan» degen mártebe berý úshin sport mektebiniń dırektory tıisti jergilikti atqarýshy organǵa osy Qaǵıdalardyń 9, 10 – tarmaǵynda kórsetilgen qujattardy qosa bere otyryp, «mamandandyrylǵan» degen mártebe berý týraly ótinish beredi. 9. Sport mektepterine «mamandandyrylǵan» degen mártebe berý úshin qajetti qujattar: 1) sport mektebiniń móri qoıylyp, sport mektebi basshysy qol qoıǵan sport mektepterine «mamandandyrylǵan» degen mártebe berý týraly qoldaýhat; 2) sport mektebine jatatyn sporttyq obektige (úı-jaıǵa) quqyq belgileıtin qujattardyń kóshirmeleri nemese sport mektebiniń oqýshylary sportpen shuǵyldanatyn sporttyq obektini (úı-jaıdy) jalǵa alý shartynyń kóshirmesi; 3) sport mektebiniń jáne dárigerlik-dene shynyqtyrý dıspanseri nemese basqa da medısınalyq mekemeler arasynda sport túrleri boıynsha bólimsheler oqýshylarynyń medısınalyq tekserýden turaqty ótýi týraly jasasqan qoldanystaǵy sharttyń kóshirmesi. 4) jattyqtyrýshy-oqytýshylyq quramynyń sanyn, olardyń tegin, atyn, ákesiniń atyn (bolǵan jaǵdaıda) rastaıtyn qujattardy qosa berip, sporttyq ataqtaryn, sporttyq nátıjelerin kórsete otyryp, sportshylar men jattyqtyrýshy-oqytýshylyq quram týraly sport mektebiniń shtattyq sany týraly anyqtama. 10. Sport mektepteriniń bólimshelerine «mamandandyrylǵan» degen mártebe berý úshin qajetti qujattar: 1) sport mektebiniń móri qoıylyp, sport mektebi basshysy qol qoıǵan sport mektepterine «mamandandyrylǵan» degen mártebe berý týraly qoldaýhat; 2) sport túrlerinen bólimshelerdiń oqýshylary sportpen shuǵyldanatyn sport mektebine jatatyn sporttyq obektige (úı-jaıǵa) quqyq belgileıtin qujattardyń nemese sport túrlerinen bólimshelerdiń oqýshylary sportpen shuǵyldanatyn sport mektebimen jasasqan sporttyq obektini (úı-jaıdy) jalǵa alý shartynyń kóshirmesi; 3) sport mektebiniń jáne dárigerlik-dene shynyqtyrý dıspanseri nemese basqa da medısınalyq mekemeler arasynda sport túrleri boıynsha bólimsheler oqýshylarynyń medısınalyq tekserýden turaqty ótýi týraly jasasqan qoldanystaǵy sharttyń kóshirmesi. 4) jergilikti atqarýshy organ bekitken sportpen shuǵyldanatyn adamdardyń tegin, atyn, ákesiniń atyn (bolǵan jaǵdaıda) kórsete otyryp, sporttyq jetildirý toptarynyń tizimderi. 5) jattyqtyrýshy-oqytýshylyq quramynyń sanyn, olardyń tegin, atyn, ákesiniń atyn (bolǵan jaǵdaıda) rastaıtyn qujattardy qosa berip, sporttyq nátıjelerin kórsete otyryp, sportshylar men jattyqtyrýshy-oqytýshylyq quram týraly, sport mektebiniń shtattyq sany týraly anyqtama. 11. Sport mektepterine jáne sport mektepteriniń bólimshelerine «mamandandyrylǵan» degen mártebe berýge usynylǵan qujattardy jergilikti atqarýshy organ olardy tirkegen kúninen bastap kúntizbelik 30 kún ishinde qaraıdy. 12. Jergilikti atqarýshy organ usynylǵan qujattardy qaraý qorytyndylary boıynsha Qaǵıdalardyń 11-tarmaǵynda kórsetilgen merzimge sport mektepterine jáne sport mektepteriniń bólimshelerine «mamandandyrylǵan» degen mártebe berý nemese berýden bas tartý týraly sheshim qabyldaıdy. 13. Sport mektepterine «mamandandyrylǵan» degen mártebe mynadaı negizdemeler boıynsha berýden bas tartylady: 1) Qaǵıdalardyń 9-tarmaǵynda kórsetilgen qujattardyń tolyq toptamasyn usynbasa; 2) sport mektepteri Qaǵıdalardyń 5-tarmaǵynda kórsetilgen sharttarǵa sáıkes kelmese berilmeıdi. 14. Sport mektepteriniń bólimshelerine «mamandandyrylǵan» degen mártebe mynadaı negizder boıynsha berýden bas tartylady: 1) Qaǵıdanyń 10-tarmaǵynda kórsetilgen qujattardyń tolyq toptamasyn usynbasa; 2) sport mektepteri bólimsheleriniń Qaǵıdanyń 6-tarmaǵynda kórsetilgen sharttarǵa sáıkes kelmese berilmeıdi. 15. Sport mektepterine nemese sport mektepteriniń bólimshelerine «mamandandyrylǵan» degen mártebe berý jergilikti atqarýshy organnyń sheshimimen resimdeledi, sport mektepterine nemese sport mektepteriniń bólimshelerine «mamandandyrylǵan» degen mártebe berýden bas tartý týraly hatpen resimdeledi. Sheshim nemese hat kóshirmeleri sport mektebiniń basshysyna Qaǵıdalardyń 11-tarmaǵynda kórsetilgen merzimde jiberiledi. Buıryq Qazaqstan Respýblıkasynyń Ádilet mınıstrliginde 2015 jylǵy 10 shildede Normatıvtik quqyqtyq kesimderdi memlekettik tirkeýdiń tizilimine №11642 bolyp engizildi.