PETROPAVL. 5 mamyr. Oblys ortalyǵynda jańa korreksııalyq ortalyq ashylyp, onyń quramynda psıhologııalyq-pedagogıkalyq korreksııa kabıneti jáne psıhologııalyq-medısınalyq-pedagogıkalyq keńes jumys isteı bastady. Bul týraly oblystyq ákimdiktiń baspasóz qyzmetine silteme jasaǵan egemen.kz tilshisi habarlady.
Atalǵan ortalyqqa oblys ákimi Erik Sultanov baryp, materıaldyq-tehnıkalyq bazanyń jabdyqtalýymen tanysty. Búldirshinderdiń ata-analarymen áńgimelesti.
«Munda balalardyń medısınalyq, psıhologııalyq-pedagogıkalyq kómek alýyna barlyq jaǵdaı jasalǵan. Memleket tarapynan balalardyń tárbıesine kóp kóńil bólinip otyr», – dedi aımaq basshysy.
Byltyr oblys ákiminiń jeke qabyldaýynda bolǵan ata-analar erekshe bilim berý otalyǵynyń qurylýyna yqpal jasaýyn ótingen edi. Endi balalardyń tárbıesimen logoped, psıholog, sýrdopedagog, áleýmettik ustaz, olıgofrenopedagog, tıflopedagog, nevropatolog, psıhıatr, sýrdolog shuǵyldanatyn bolady.
Búginde óńirde 13 psıhologııalyq-pedagogıkalyq korreksııa kabıneti jumys isteıdi.
О́mir Esqalı.
Derek, foto: Soltústik Qazaqstan oblysy ákimdiginiń baspasóz qyzmeti.
