2016 jylǵy 27 qańtar, Astana qalasy
«Qazaqstan Respýblıkasy Tuńǵysh Prezıdentiniń – Elbasynyń testilerin ótkizý qaǵıdalaryn bekitý týraly» Qazaqstan Respýblıkasy Mádenıet jáne sport mınıstri mindetin atqarýshynyń 2014 jylǵy 21 qarashadaǵy № 103 buıryǵyna ózgerister engizý týraly
«Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasynyń Zańy 7-baby 15) tarmaqshasyna sáıkes buıyramyn:
1. «Qazaqstan Respýblıkasy Tuńǵysh Prezıdentiniń – Elbasynyń testilerin ótkizý qaǵıdalaryn bekitý týraly» Qazaqstan Respýblıkasy Mádenıet jáne sport mınıstri mindetin atqarýshynyń 2014 jylǵy 21 qarashadaǵy № 103 buıryǵyna (Normatıvtik quqyqtyq aktiler memlekettik tirkeý tiziliminde № 9988 bolyp tirkelgen; «Ádilet» aqparattyq-quqyqtyq júıesinde 2015 jylǵy 9 qantarda jarııalanǵan) mynadaı ózgerister engizilsin:
kórsetilgen buıryqpen bekitilgen Qazaqstan Respýblıkasy Tuńǵysh Prezıdentiniń – Elbasynyń testilerin ótkizý qaǵıdalarynda:
7-tarmaqtyń 7) tarmaqshasy mynadaı redaksııada jazylsyn:
«7) dop, granata laqtyrý – eni 10 metr kez-kelgen tegis alańda ótkiziledi;»;
8-tarmaq mynadaı redaksııada jazylsyn:
«8. Qazaqstan Respýblıkasy Tuńǵysh Prezıdentiniń – Elbasynyń testilerin tapsyrý jazǵy sport túrleri boıynsha sáýir-qazan aılarynda, qysqy sport túrleri boıynsha aqpan-naýryz aılarynda ótkiziledi.».
2. Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti zańnamada belgilengen tártippen:
1) osy buıryqtyń memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp, Qazaqstan Respýblıkasy normatıvti quqyqtyq aktileriniń etalondy baqylaý bankine engizý úshin eltańbaly mórmen kýálandyrylǵan qaǵaz danasyn qosa bere otyryp ýákiletti tulǵanyń elektrondyq sıfrlyq qoltańbasymen kýálandyrylǵan elektrondyq túrdegi onyń kóshirmelerin joldaýdy;
3) osy buıryq resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsyna ornalastyrýdy;
4) osy tarmaqta kózdelgen is-sharalardyń oryndalýy týraly málimetterdi osy is-sharalar oryndalǵannan keıin Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Mádenıet jáne sport mınıstri A. MUHAMEDIULY
Buıryq Qazaqstan Respýblıkasynyń Ádilet mınıstrliginde 2016 jylǵy 3 naýryzda Normatıvtik quqyqtyq kesimderdi memlekettik tirkeýdiń tizilimine №13374 bolyp engizildi.