QARAǴANDY. 1 maýsym. «Saryarqa» halyqaralyq áýejaıy Qaraǵandydaǵy balalar úıiniń tárbıelenýshilerine Arqa tósindegi áýe aılaǵyna saıahat uıymdastyrdy. Balalardy qorǵaý kúni qarsańynda bul óskeleń urpaq úshin tamasha tartý boldy. Bul týraly egemen.kz tilshisi habarlady.
Qaraǵandy áýejaıy kún saıyn ádette on shaqty ushaq ushyryp, sonshasyn qabyldap alady. Biraq jaz aılarynda olardyń sany arta túsedi. Balalarǵa jolaýshylar ushaqqa otyrǵanǵa deıin júrgiziletin barlyq sharalar tanystyrylyp, olar ushý alańynda turǵan TÝ-154 ushaǵyna deıin saıahattady. Osy jerde balalardyń birazy óskende ushqysh, álde stıýardessa bolý týraly armandaryn aıtyp qaldy.
Qaraǵandy áýejaıynyń jumysyn kún saıyn jıyrmadan astam qyzmet túrleri qamtamasyz etedi. Balalar ushaqtar men arnaıy tehnıkalar jóndeletin angarlardy da óz kózimen kórip, jumys barysymen tanysty.
«Saryarqa» áýejaıy halyqaralyq áýejaı mártebesine sonaý 1992 jyly ıe bolǵan. Qazir bul joǵary tehnıkalyq múmkindikterge ıe zamanaýı keshen.
Saıahat sońynda áýejaı ujymy balalarǵa estelik syılyqtar syılady.
Qaırat Ábildınov.
Derek: egemen.kz.
Foto: autotourist.kz.