Memleket basshysy Qasym-Jomart Toqaev Astana Team balalar hokkeı komandasyn Kanadada ótken Quebec International Pee-Wee Hockey Tournament halyqaralyq jarysynda jeńiske jetýimen quttyqtady, dep habarlaıdy Egemen.kz.
Memleket basshysy qazaqstandyq klýbtyń censasııalyq jetistigi otandyq sporttaǵy aıtýly ýaqıǵa ekenin atap ótti.
Qasym-Jomart Toqaev joǵary sheberlik deńgeıi men jeńiske degen ynta-jigerin pash etip, aqtyq synda hokkeıdiń otany sanalatyn kanadalyqtardan basym túsken órenderimizge rızashylyǵyn jetkizdi.
Prezıdent Japonııa Imperatoryn týǵan kúnimen quttyqtady
Prezıdent jas hokkeıshilerdiń tabandy túrde jattyǵyp, kúsh-qaırattaryn shyńdap, budan da bıik asýlardy baǵyndyrýyna tilektestik bildirdi.
Kvebek qalasynda ótken halyqaralyq Quebec International Pee-Wee Hockey Tournament dodasynda álemniń 16 elinen kelgen 120 azýly ujymnyń arasynan AA Elite dıvızıonynda Astana Team komandasy altyn tuǵyrdan kórinip, el mereıin ústem etti. Aıta keterligi, qurama sapynda elordalyq «Astana», «Iýnost» jáne «Taıgers» klýbtarymen qatar, Shyǵystyń «Torpedo» mektebiniń tárbıelenýshileri de óner kórsetip, ortaq jeńiske úles qosty.