2016 jylǵy 10 maýsymda kelesi jyly Astanada ashylatyn EKSPO-2017 halyqaralyq mamandandyrylǵan kórmesine bıletterdi onlaın-satý bastaldy. Bılet baǵdarlamasy boıynsha árbir qazaqstandyqtyń kórmeni tamashalaýǵa tolyq múmkindigi bar.
Astanada ótetin halyqaralyq kórmeniń bılet baǵdarlamasy sharany ótkizýdiń álemdik tájirıbesinde biregeı bolyp tabylady. Ekspozısııany Uly Otan soǵysyna qatysýshylar men múgedekteri, múmkindigi shekteýli jandar, jetim jáne 6 jasqa deıingi balalar tegin tamashalaı alady. Zeınetkerler, kóp balaly analar, stýdentter men oqýshylarǵa jeńildikter jasalady.
Qazirgi kezde 89 memleket pen 15 halyqaralyq uıym EKSPO-2017 kórmesine qatysatyndaryn rastady. Bıletter men basqa da bılet ónimderi satylymǵa kezeń-kezeńmen shyǵarylady. 10 maýsym-
10 shilde aralyǵynda promo-kezeń ótkiziledi, bul kezde bıletti barynsha tómen baǵamen satyp alýǵa bolady. Al 10-20 maýsym kúneri aralyǵynda satylatyn bıletterge 50%, 21-30 maýsymda 30%, 1-10 shildede 20% jeńildik jasalady.
Sonymen qatar, 10 shilde-10 tamyz aralyǵynda týroperatorlar men reselerler úshin promo-kezeń ótkiziledi. Ústimizdegi jyldyń
1 qyrkúıeginde barsha Qazaqstan boıynsha oflaın-kassalar ashylady. Ulttyq merekelerdi ótkizý aıasynda bıletterdi kóshpeli satýdy uıymdastyrý josparlanǵan. Budan basqa, bılet satýǵa EKSPO-2017 seriktesteri – «Qaz-poshta» AQ, «Qazaqstan temir joly» UK» AQ, «Air Astana» AQ tartylady. Jalpy alǵanda, bıletterdi aldyn ala satý bıylǵy 10 maýsymnan bastalyp, 2017 jyldyń 9 maýsymyna deıin júrgiziledi. Bıletti www.tickets.expo2017astana.com saıtynan satyp alýǵa bolady.
Sóıtip, kesheden bastap búkil álem boıynsha «Astana EKSPO-2017» Halyqaralyq mamandandyrylǵan kórmesine bılet satý naýqany bastaldy. Kórmeniń alǵashqy bıletin onlaın-satý júıesi arqyly Astana qalasynyń 24 jasar turǵyny Oljas Ońalov satyp aldy. Osyǵan baılanysty Kórmeni uıymdastyrýshylar ofısinde Ulttyq kompanııanyń basqarma tóraǵasy Ahmetjan Esimov alǵashqy bılet alýshyny qabyldap, oǵan eskertkish syılyq tabys etti.
«Egemen-aqparat»