Qazaqstandaǵy Bala quqyqtary jónindegi ýákil Zaǵıpa Balıeva bastaǵan delegasııa Norvegııa Koroldiginde saparmen júr, dep habarlady Qazaqstan Parlamenti Májilisiniń baspasóz qyzmeti.
Delegasııa quramynda Parlament Májilisiniń depýtattary Svetlana Bychkova, Natalıa Jumadildaeva, ortalyq jáne jergilikti atqarýshy, quqyq qorǵaý jáne sot organdarynyń, Adam quqyqtary jónindegi ýákil ókilderi bar.
Sapar maqsaty – Qazaqstan Respýblıkasynda balalarǵa qatysty zań júıesin halyqaralyq standarttarǵa sáıkes damytý, bala quqyqtaryn qorǵaý jáne monıtorıng júrgizý salasynda, memlekettik organdardyń Bala quqyqtary jónindegi ýákilmen ózara qarym-qatynasy, qylmys qurbandary men kýágerleri bolǵan balalardy qorǵaýdyń mehanızmderi boıynsha tájirıbe almasý.
Sapardyń birinshi kúninde Qazaqstannyń Norvegııadaǵy elshisi Qaırat Ábýseıitovpen jáne Norvegııadaǵy Bala quqyqtary jónindegi ýákil Anne Lındboýemen kezdesýler ótkizildi. Sonymen qatar, Qazaqstan delegasııasy Syrtqy ister, Balalar, teńdik jáne ıntegrasııa, Densaýlyq jáne áleýmettik qorǵaý, Bilim jáne ǵylym, Ádilet mınıstrlikterine, IýNISEF-tiń úılestirý ortalyǵyna, Ortalyq Azııa bıýrosyna, Bala quqyqtary jónindegi úılestirý ortalyǵyna, Parlamentke, Adam quqyqtary jónindegi ulttyq ınstıtýtqa, Polısııa janyndaǵy balalar úıine, prokýratýraǵa, Norvegııanyń sot basqarmasyna, Oslo jáne Akershýsa ýnıversıtettik kolledjine bardy.
Sapar BUU Balalar qorynyń (IýNISEF) qoldaýymen uıymdastyryldy.