Qaraǵandy oblysynda eldi mekenderge jaqyn ornalasqan, kópshiliktiń baryp shomylýyna ruqsat etilgen 47 sý aıdyny bar. Shomylý maýsymy bastalmas buryn, osy ózen-kólderge tutynýshylar quqyn qorǵaý departamentiniń mamandary sanıtarlyq-epıdemıologııalyq tekserý júrgizip jáne olardy kún sýytqansha baqylaýda ustaıdy.
Qazirdiń ózinde óńirdegi sýlardyń sanıtarlyq-hımııalyq, mıkrobıologııalyq kórsetkishterine 118, parazıtologııalyq kórsetkishterine 94 ret tekserý júrgizildi. Bul oraıda sý sapasy barlyq talaptarǵa saı. Tekserýler sýǵa ǵana emes, osy mańaıdaǵy topyraqqa da júrgizildi. Hımııalyq jáne mıkrobıologııalyq kórsetkishterge jasalǵan 92, parazıtologııalyq 126 tekserýdiń bári de topyraq qabattarynyń jaramdylyǵyn kórsetti.
Tutynýshylar quqyn qorǵaý departamenti, sol sııaqty, ıesiz sý aıdyndaryn qandaı da bir jaýapty orynǵa bekitip berý boıynsha da jumystar júrgizedi. Bul olardyń sanıtarlyq jaǵdaıyn únemi qadaǵalap otyrý úshin qajet. Osy másele boıynsha departament jergilikti atqarýshy organdarǵa suraý salǵan aqparattyq habarlamalar joldady.
Qaırat Ábildınov.
Derek: egemen.kz.
Foto: wikimapia.org.