Fýtboldan Eýropa chempıonatynyń betashar matchynda Fransııa quramasy Rýmynııa komandasyn 2:1 etip utyp, óz alańynda jalaý kótergen týrnırdegi birinshi jeńisti óz esebine jazdy.
Fransııa – Rýmynııa 2:1 (0:0)
Fransııa: Ýgo Lorıs, Bakarı Sanıa, Loran Koselnı, Adıl Ramı, Patrıs Evra, N’Golo Kante, Blez Matıýıdı, Pol Pogba (Antonı Marsıal 77), Antýan Grızmann (Kıngslı Koman 66), Dımıtrı Paıe (Mýssa Sıssoko 90+2), Olıve Jırý
Rýmynııa: Chıprıan Teterýshaný, Krıstıan Sepýnarý, Dragosh Grıgore, Iýlıan Kırıkesh, Rezvan Ras, Ovıdıý Hoban, Mıhaı Pıntılıı, Nıkolae Stanchý (Aleksandrý Kıpchý 72), Adrıan Popa (Gabrıel Torje 82), Bogdan Stanký, Florın Andone (Denıs Alıbek 61)
Goldar: Olıve Jırý 57, Dımıtrı Paıe 89 – Bogdan Stanký 65 (penaltı)
«A» tobyndaǵy bul jasaqtardyń kezdesýi Parıjdiń túbindegi Sen-Denı qalashyǵynyń «Stad de Frans» stadıonynda oınaldy. Oıyndaǵy esep 58-mınýtta ashyldy. Ony fransýz Olıve Jırý soqty. Alaıda, arada nebári 7 mınýt ótkennen keıin rýmyndarǵa tarazy basyn teńestirýdiń múmkindigi týa ketti. Sóıtip, 65-mınýtta vengr tóreshisi belgilegen kúmándileý penaltıi Bogdan Stanký dál túsirdi. Al jeńis dobyn Dmıtrı Paıe alystan uryp túsirdi.
Chempıonattaǵy birinshi eskertýdi rýmyn qorǵaýshysy Vlad Kırıkesh 32-mınýtta aldy. Mundaı «sary qaǵazdar» sondaı-aq rýmyndardan Rezvan Ras (45) pen Adrıan Popaǵa (78), fransýzdardan Olıve Jırýge (69) kórsetildi.
Osy matchtan keıin Fransııa quramasy «A» tobynda 3 upaımen kósh bastady. Toptaǵy kelesi oıyn 11 maýsym kúni Shveısarııa jáne Albanııa quramalary arasynda ótedi.
Aıan Ábdýálı.
Derek: egemen.kz.
Foto: vk.com.