Búgin túnde fransýzdyń Marsel qalasynda fýtboldan Eýropa chempıonatynyń V tobyna túsken Reseı jáne Anglııa quramalary kezdesetini belgili.
Qalaǵa kesheli beri kelip, jınalyp jatqan eki komandanyń fanattary túnde ózara betpe-bet kezdesip qaldy. Onyń sońy tóbeleske ulasty. Ony Eski portta fransýz ofıserlerine bótelkeler laqtyrǵan Brıtanııa jankúıerleri bastady.
Daily Mail gazeti orys fandarynyń bul qalaǵa aǵylshyndarmen shaıqasý úshin arnaıy kelgenderin jazady. Sondyqtan álgindegi áreket olar úshin urysqa bastaıtyn dabyl bolǵan. Biraq tóbeles tym uzaqqa barǵan joq, olardyń arasyna polısııa kelip tústi. Tártip saqshylary buzaqylardy tynyshtandyrý úshin kespeltek paıdalanyp, kózden jas aǵyzatyn gazdy qoldandy.
Sonymen birge, qala basshylyǵy tynyshtyqty saqtaý maqsatynda Eski port aýdanyndaǵy barlyq barlar men restorandardy ýaqytsha japtyryp tastady.
Murat Aıtqoja.
Derek: Video Player.