Maýsymnyń 13-i kúni Almatyda reseılik teatr jáne kıno artısi Dmıtrıı Mıron 42 jasynda qaıtys boldy.
Bul týraly Máskeýdegi prodıýserlik ortalyqtyń dırektory, belgili aktrıse Irına Apeksımova TASS tilshisine habarlady.
«Men búgin tańerteń Almatydaǵy aýrýhanada Dımanyń qaıtys bolǵanyn bilemin. Ol sonda eki jyldan beri jumys istep júrgen edi. Biraq nede qaıtqanynyń jaı-japsaryn tolyq bilmeımin», - dedi ol.
Dmıtrıı Mıron Belarýste týyp-ósken. Mınskidegi Vladımır Gostıýhın jetekshilik etetin kınoakterler gıldııasy janyndaǵy mektep-stýdııada oqyly. Ony 1994 jyly bitirgennen keıin Dmıtrı» Máskeýdegi RATI-ge túsip, Vladımır Levertovtyń sheberhanasynda sheberligin shyńdady.
Sodan keıingi jyldary akter Reseı armııasy teatrynda jumys jasady. Osynda júrip, «Maroseıka, 12», «Iz», «Barvıha-2» sekildi serıaldarǵa,«Garpastým», «Maýsym aıyndaǵy qoshtasý» sekildi birqatar kartınalarǵa tústi.
Akter 2002 jyldan bastap uzaq ýaqyt Irına Apeksımovanyń prodıýserlik ortalyǵynda qyzmet etip, onymen birge birqatar fılmderge tústi, Maksım Averınmen birge jumys jasady. Apeksımovanyń usynysymen Roman Vıktıýktiń «Karmen» spektaklinde oınady.
Murat Aıtqoja.
Mánbe, rásim: TASS.