Arab Ámirlikteri Ońtústik Qazaqstan oblysynan qoı satyp ala bastady. Shymkent kásiporyndary jyldyń sońyna deıin bul elge 60 myń bas qoı jóneltetin bolyp otyr.
Jeksenbi kúni Shymkent halyqaralyq aeroportynan qoılardyń alǵashqy partııasy Fýdjeıraǵa jiberildi.
«Osy aptada myń qoıdan artyq kólemdi quraıtyn kem degende taǵy bir partııa jóneltiledi. Biz 2016 jyldyń jazy aıaqtalǵanna Ámirlikke 60 myń bas qoı jiberýimiz kerek», - dedi «Qaıyp ata» JShS dırektory Syrym Ertaev.
Onyń aıtýynsha, bulelmen uzaq merzimge sozylatyn tyǵyz yntymaqtastyq qarym-qatynasyn qalyptastyrý nıeti bar. Sol maqsatta kompanııa ókilderi jaqynda Dýbaıǵa baryp qaıtady. Sonyń ishinde sıyr etin jetkizip berý jóninde de kelisim jasalady.
Kompanııa budan basqa, Saýd Arabııasy, Iran, Irak jáne О́zbekstan elderiniń ókilderimen kelissózder júrgizip jatyr. Tutastaı alǵanda, jyl sońyna deıin munda eksportqa 1,5 myń tonna et shyǵarý josparlanǵan. Kásiporyn eksporttyq áleýetin arttyra túsý úshin quny 500 mln. teńge turatyn et kombınatynyń qurylysyn zaemdyq qarjynyń esebinen salyp jatyr. Onyń qurylysy aıaqtalýǵa jaqyn. Ol iske qosylǵannan keıin kún saıyn 300 bas iri qaraǵa deıin soıylyp turatyn bolady.
«Kásiporyn eýrostandarttyń barlyq talaptaryna jaýap beretin bolady, ol álemniń kez kelgen eline et ónimderin shyǵaryp tura alady», - dep sendirdi JShS bastyǵy.
Budan basqa, «Qaıyp ata» JShS men Malaızııanyń «Marditech» korporasııasy arasynda jasalǵan memorandýmda Ońtústik Qazaqstan jerinde halal hab ashý ıdeıasy kóterilgen. Tnvestısııanyń jobasy 10 mln. dollar turady, al qýattylyǵy 10 myń iri qara soıý bolmaq.
Baqtııar Taıjan.
Derek, foto: Atameken Business Channel.