2016 jylǵy 8 sáýir, Astana qalasy
«Memlekettik aýdıttiń jáne qarjylyq baqylaýdyń biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalaryn bekitý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2015 jylǵy 28 qarashadaǵy № 7-NQ normatıvtik qaýlysyna ózgerister engizý týraly
«Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 12-baby 4-tarmaǵynyń 16) tarmaqshasyna sáıkes Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) qaýly etedi:
1. «Memlekettik aýdıttiń jáne qarjylyq baqylaýdyń biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalaryn bekitý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2015 jylǵy 28 qarashadaǵy № 7-NQ normatıvtik qaýlysyna (Normatıvtik quqyqtyq aktilerdi memlekettik tirkeý tiziliminde № 12459 tirkelgen, 2015 jyly 30 jeltoqsanda «Ádilet» aqparattyq-quqyqtyq júıesinde jarııalanǵan) mynadaı ózgerister engizilsin:
kórsetilgen normatıvtik qaýlymen bekitilgen Memlekettik aýdıttiń jáne qarjylyq baqylaýdyń biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalarynda:
4 jáne 5-tarmaqtar mynadaı redaksııada jazylsyn:
«Biryńǵaı derekqor basqa memlekettik organdardyń aqparattyq júıelerimen ıntegrasııalanǵan Esep komıtetiniń aqparattyq júıesiniń (budan ári – Esep komıtetiniń IAJ) negizinde qalyptasady.
5. Biryńǵaı derekqorǵa málimetter berýdi memlekettik aýdıt jáne qarjylyq baqylaý organdary, sondaı-aq memlekettik aýdıt jáne qarjylyq baqylaý obektileri, kvazımemlekettik sektor sýbektilerine arnaıy maqsattaǵy aýdıtti júzege asyratyn aýdıtorlyq uıymdar jáne vedomstvolyq nemese memlekettik statıstıkany qalyptastyratyn ózge de aqparat jetkizýshiler (budan ári – aqparat jetkizýshiler) júzege asyrady.»;
8, 9 jáne 10-tarmaqtar mynadaı redaksııada jazylsyn:
«1) táýekelderdi basqarý júıesine engizilgen memlekettik aýdıt jáne qarjylyq baqylaý obektileri;
2) memlekettik aýdıt jáne qarjylyq baqylaý organdarynyń memlekettik aýdıt jáne qarjylyq baqylaý obektileriniń tıisti jylǵa arnalǵan tizbesi;
3) memlekettik aýdıt jáne qarjylyq baqylaý organdarynyń memlekettik aýdıt jáne saraptamalyq-taldaý is-sharalarynyń nátıjeleri, sonyń ishinde sapa baqylaýy nátıjeleri;
4) kvazımemlekettik sektor sýbektilerine arnaıy maqsattaǵy aýdıttiń nátıjeleri;
5) nysanaly transfertter boıynsha nátıjeler týraly kelisimder, bólingen nysanaly transfertterdi paıdalaný esebinen qol jetkizilgen tikeleı jáne túpkilikti nátıjeler týraly esepter;
6) mindettemeler boıynsha qarjylandyrýdyń jıyntyq jospary, túsetin túsimder men tólemder boıynsha qarjylandyrýdyń jıyntyq jospary;
7) bıýdjettik baǵdarlamalar ákimshileriniń mindettemeleri men tólemderi boıynsha qarjylandyrý josparlary;
8) memlekettik mekemelerdiń mindettemeleri men tólemderi boıynsha jeke qarjylandyrý josparlary;
9) Qazaqstan Respýblıkasynyń bıýdjet zańnamasynda, býhgalterlik esep jáne qarjylyq eseptilik týraly zańnamasynda kózdelgen, bekitilgen qarjylyq eseptilik, qosymshalarymen birge;
10) memlekettik aýdıt jáne qarjylyq baqylaý obektileriniń aýdıtorlyq eseptiligi;
11) bıýdjettik eseptilik jáne bıýdjet kiristerine baılanysty eseptilik;
12) memlekettik jáne vedomstvolyq statıstıkanyń memlekettik aýdıtti jáne saraptamalyq-taldaý qyzmetin júrgizýge qajetti derekteri;
13) Esep komıteti júrgizgen memlekettik aýdıtti tanýdyń qorytyndylary.
9. Osy Qaǵıdalardyń 8-tarmaǵynda kórsetilgen aqparat Biryńǵaı derekqorǵa ornalastyrý úshin Esep komıtetine mynadaı tártippen:
1) memlekettik aýdıt jáne qarjylyq baqylaý organdary osy Qaǵıdalardyń 8-tarmaǵynyń 1) - 3), 12) tarmaqshalary boıynsha – bekitilgennen (qalyptastyrylǵannan) keıin on jumys kúni ishinde;
2) Esep komıteti osy Qaǵıdalardyń 8-tarmaǵynyń 13) tarmaqshasy boıynsha – tıisti qorytyndy bekitilgennen keıin bes jumys kúni ishinde;
3) memlekettik aýdıt jáne qarjylyq baqylaý obektileri osy Qaǵıdalardyń 8-tarmaǵynyń 5) - 12) tarmaqshalary boıynsha – bekitilgennen (qalyptastyrylǵannan) keıin bes jumys kúni ishinde;
4) kvazımemlekettik sektor sýbektilerine arnaıy maqsattaǵy aýdıtti júzege asyratyn aýdıtorlyq uıymdar osy Qaǵıdalardyń 8-tarmaǵynyń 4) tarmaqshasy boıynsha – bekitilgennen keıin on bes jumys kúni ishinde;
5) vedomstvolyq nemese memlekettik statıstıkany qalyptastyratyn ózge de aqparat jetkizýshiler osy Qaǵıdalardyń 8-tarmaǵynyń 12) tarmaqshasy boıynsha Esep komıtetiniń suraýy negizinde ol belgilegen merzimderde jáne (nemese) tıisti organmen birlesip aıqyndaǵan merzimderde usynylady.
10. Osy Qaǵıdalardyń 8-tarmaǵynda kórsetilgen qujattarǵa ózgerister men tolyqtyrýlar Esep komıtetine olar engizilgen kúnnen bastap, bes jumys kúninen keshiktirmeı jiberiledi.»;
12-tarmaq mynadaı redaksııada jazylsyn:
«12. Biryńǵaı derekqordy qalyptastyrý úshin memlekettik aýdıt jáne qarjylyq baqylaý organdarynyń aqparattyq júıeleri arasyndaǵy aqparat almasý Qazaqstan Respýblıkasynyń Ulttyq kýálandyrý ortalyǵy bergen aqparattyq júıeni ıelenýshiniń elektrondyq sandyq qolyn paıdalana otyryp, elektrondyq habarlamalar arqyly júzege asyrylady.
Osy Qaǵıdalardyń 9-tarmaǵynda kórsetilgen organdar men uıymdardyń aqparattyq júıeleri Esep komıtetiniń IAJ-men ıntegrasııalanǵanǵa deıin aqparat usyný elektrondyq qujat aınalymynyń biryńǵaı júıesi, al ol bolmaǵan jaǵdaıda – poshta baılanysy arqyly júzege asyrylady.
Usynylǵan aqparat Esep komıtetiniń syrtqy ınternet-resýrsyna memlekettik jáne orys tilderinde ofıstik formattaǵy elektrondyq faıldarda ornalastyrylady.»;
14-tarmaqtyń 1) tarmaqshasynyń úshinshi abzasy mynadaı redaksııada jazylsyn:
«aqparat tolyq emes nemese tıisinshe resimdelmegen ne osy Qaǵıdalarda belgilengen talaptarǵa sáıkes kelmegen jaǵdaıda, aqparat jetkizýshiniń elektrondyq mekenjaıyna Biryńǵaı derekqorǵa engizýden ýájdelgen bas tartý jiberedi.»;
18-tarmaq mynadaı redaksııada jazylsyn:
«18. Memlekettik aqparattyq júıelerdiń jumys isteý senimdiligi men qaýipsizdigin qamtamasyz etý úshin elektrondyq aqparattyq resýrstardy saqtaý, óńdeý jáne berý úshin paıdalanylatyn tehnıkalyq quraldar tehnıkalyq retteý jáne aqparattandyrý salasyndaǵy zańnama alaptaryna sáıkes keledi.».
2. Zań bólimi zańnamada belgilengen tártippen:
1) osy normatıvtik qaýlynyń Qazaqstan Respýblıkasynyń Ádilet mınıstrliginde memlekettik tirkelýin;
2) osy normatıvtik qaýly Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspasóz basylymdarynda, «Ádilet» aqparattyq-quqyqtyq júıesinde resmı jarııalanýǵa jáne Qazaqstan Respýblıkasynyń normatıvtik quqyqtyq aktileriniń etalondyq baqylaý bankine qosý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberilýin;
3) osy normatıvtik qaýlynyń Esep komıtetiniń ınternet-resýrsyna ornalastyrylýyn qamtamasyz etsin.
3. Normatıvtik qaýlynyń oryndalýyn baqylaý Esep komıtetiniń apparat basshysyna júktelsin.
4. Osy normatıvtik qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Respýblıkalyq bıýdjettiń atqarylýyn baqylaý jónindegi
Esep komıtetiniń Tóraǵasy Q.JAŃBYRShIN
Qaýly Qazaqstan Respýblıkasynyń Ádilet mınıstrliginde 2016 jylǵy 4 mamyrdaǵy Normatıvtik quqyqtyq kesimderdi memlekettik tirkeýdiń tizilimine №13682 bolyp engizildi.