[caption id="attachment_49322" align="aligncenter" width="560"] Foto: vk.com[/caption]
Fýtboldan Eýropa chempıonatynyń shırek fınalynda synǵa túsken Polsha men Portýgalııa qurama komandalary Marsel qalasynda kezdesti.
Polsha – Portýgalııa 1:1 (1:1) penaltı 3:5
Stadıon: «Velodrom».
Tóreshi: Felıks Bryh (Germanııa).
Polsha: Fabıanskı, Pıshek, Glık, Pazdan, Endjeıchık, Blashıkovskıı, Kryhovıak, Monchınskı (Iodloves 98), Grosıskı (Kapýstka 82), Mılık, Levandovskı.
Portýgalııa: Patrısıý, Sedrık, Pepe, Fonte, Elızeý, Karvalıý (Danılý 96), Marıý (Kýarejma 80), Sanshesh, Adrıen (Moýtınıý 73), Nanı, Ronaldý.
Goldar: Levandovskı 2 – Sanshesh 33.
Penaltı serııasy: 1:0 – Ronaldý, 1:1 – Levandovskı, 2:1 – Sanches, 2:2 – Mılık, 3:2 – Moýtınıý, 3:3 – Glık, 4:3 – Nanı, 4:3 – Blashıkovskı (qaqpashy), 5:3 – Kýarejma.
Eskertý alǵandar: Endjeıchık 42, Glık 66, Kapýstka 89 – Adrıen 70, Karvalıý 90.
Tartysty ótken jekpe-jekte Portýgalııa quramasynyń joly bolyp, kezekti ret jartylaı fınalǵa shyqty. Oıyn bastala sala birden shabýylǵa kóshken polıaktar nebári 2-mınýtta-aq esep ashyp úlgerdi. Robert Levandovskıdiń soqqan goly Eýropa chempıonatynyń tarıhyndaǵy eń jyldam goldardyń birine aınaldy. Portýgaldar osydan keıin tarazy basyn teńestirý úshin baryn saldy. Jas talant, 18 jastaǵy Renatý Sanshesh birinshi taım aıaqtalmaı jatyp, 33-mınýtta mergendigimen kózge túsip, mańyzdy dopty toǵytty. Osynyń arqasynda dúbirli dodanyń pleı-off kezeńinde gol soqqan eń jas oıynshy atandy.
Bir qyzyǵy, Portýgalııa quramasy bıylǵy Eýropa chempıonatynda ótkizgen barlyq 5 oıynynda negizgi ýaqytty teń eseppen aıaqtaǵan eken.
Qos komanda osydan soń qanshama qaýipti shabýyl uıymdastyrsa da, esep ózgerissiz qaldy. Match sońyndaǵy penaltı serııasynda Krıshtıaný Ronaldý bastaǵan komanda múmkindiginiń bárin paıdalanyp, ½ fınalǵa joldama aldy. Al Polsha quramasynan Iаkýb Blashıkovskı qaqpashy Rýı Patrısıýdan aılasyn asyra almady.
Aıan ÁBDÝÁLI.