Altynshy shaqyrylymnyń alǵashqy nátıjesi

Keshe Parlament palatalarynyń birlesken otyrysy bolyp, oǵan reglamentke sáıkes Májilis Tóraǵasy Nurlan Nyǵmatýlın tóraǵalyq etip, júrgizip otyrdy. Kún tártibine altynshy saı­lan­ǵan Parlamenttiń birinshi sessııa­synyń jabylýy jáne parla­menttik kanıkýl týraly másele engizildi. Otyrysqa Premer-Mınıstr Kárim Másimov, Memlekettik hat­shy Gúlshara Ábdiqalyqova, Kons­tıtýsııalyq Keńestiń, Orta­lyq saılaý komıssııasynyń jáne Respýblıkalyq bıýdjettiń atqa­rylýyn baqylaý jónindegi Esep komıtetiniń tóraǵalary, Úki­met músheleri, el Prezıdentine tike­leı baǵynatyn jáne esep bere­tin organdardyń basshylary, Prezıdent Ákimshiliginiń, Pre­mer-Mınıstr Keńsesiniń, Par­­lament palatalary apparat­tarynyń jaýapty qyzmetkerleri jáne BAQ ókilderi qatysty. Altynshy shaqyrylymnyń alǵashqy sessııasynyń úsh aıda atqarǵan jumysy týraly baıandamany Májilis Tóraǵasy Nurlan Nyǵmatýlın jasady. Sózin Qazaqstan Táýelsizdigine bıyl 25 jyl tolatyn mereıtoıynan bastaǵan Tóraǵa odan ári elimizdiń jetistikterine qysqasha sholý jasady. Bul jyldardyń árbir kúni, árbir aıy, árbir jyly biz úshin óte mańyzdy, óte baǵaly.   Osy ýaqyttyń ishinde biz Qazaqstannyń damý jolyn qalyptastyryp, búkil álem tanyǵan abyroıly, bedeldi jáne yqpaldy memleketke aınaldyq. Bul, eń aldymen, Tuńǵysh Prezıdentimiz – Elbasy Nursultan Nazarbaevtyń eren eńbeginiń, so­nymen birge, árqashanda Prezı­den­timizge tirek bolyp, qoldaý bildir­gen halqymyzdyń bereke-birli­giniń nátıjesi. Árıne, osy úlken jolda Parlamenttiń de eli­miz­diń damý jolyna qosyp jat­qan úlesi óte zor. Bizdiń endigi mindeti­miz jetken jetistikterimizdi baǵa­lap, saqtaı otyryp, odan ári myq­ty memlekettiń damyǵan ekono­mıkalyq bıikterine jetý, dedi N.Nyǵ­matýlın. Odan ári Tóraǵa altynshy saı­lanymnyń úsh aı jumys istegenin eske sala otyryp, osy merzimde atqarylǵan jumystarǵa toqtaldy. Sonyń ishinde Prezıdenttiń Jer kodeksine engizilgen ózgeristerge moratorıı jarııalaǵanyn atap ótti. Osynyń arqasynda halqymyzdyń Elbasyna degen senimi burynǵydan da artyp, Qazaqstan halqynyń birligi men berekesi nyǵaıa tústi, dedi ol. Sonymen qatar, jer máselesine baılanysty Prezıdenttiń tapsyr­masymen arnaıy komıssııa qury­lyp, oǵan qoǵamnyń barlyq tarapynan ókilder qatysqany, sóıtip, belsendi jumys júgizip jat­qa­ny aıtyldy. Sondyqtan, dedi ol, biz búkil depýtattyq korpýs bo­lyp jerge qatysty týynda­ǵan su­raq­tardy árbir adammen tal­qy­lap, aqylǵa salyp, oń sheshim qabyl­daýymyz qajet. Sessııa barysynda Elbasynyń strategııasyna sáıkes Qazaqstandy jańǵyrtýǵa arnalǵan óte mańyzdy jumystar qolǵa alynǵany já­ne sonyń nátıjesinde óte mańyz­dy zańnamalyq qujattar qabyldan­ǵany kóldeneń tartyldy. Eki palatanyń 3 birlesken otyrysy, Májilistiń – 12, Senattyń 6 jalpy otyrysy,  3 «Úkimet saǵaty», turaqty komıtetterdiń, jumys toptarynyń otyrystary ótti. Bul kezeńde Májilis qaraýynda 42 zań jobasy boldy. Al 7 zań jobasyn Májilis depýtattarynyń ózderi ázirledi. Osy sessııada Májilis 13 zań jobasyn maquldap, Senat 12 zań jobasyn qabyldady, deı kelip, Nurlan Zaırollauly olardyń asa mańyzdylaryna toqtalyp ótti. Qabyldanǵan zańdardyń qatar­ynda «Jer kodeksiniń keıbir nor­ma­larynyń qoldanysyn toqtata tu­rý týraly», «Tólemder men tólem júıesi týraly» zań jobalary, t.b. ataldy. Parlamentte ót­ken Úki­met saǵattary men dóń­gelek ús­telderde, kóshpeli otyrys­­tarda densaýlyq saqtaý salasy, aýyl sharýashylyǵy, áleýmet­tik-ekonomıkalyq, bilim jáne má­denıet, jastar másele­leri erekshe talqylanyp, «Nurly Jol» ın­fraqurylymdyq baǵdar­lama­sy­nyń oryndalýyna nazar aýdaryldy, dedi Tóraǵa. Sonymen qatar, ol sessııa ba­ry­­synda ortalyq memlekettik organ­­darǵa barlyǵy 115 depýtattyq saýal jol­danǵanyn aıtty. Depýtattar tek qana zań shyǵarýshylyqpen aınalys­paı, elimizdiń qoǵamdyq-saıası ómirine belsene aralasyp, kóptegen respýblıkalyq já­ne halyqaralyq deńgeılerdegi fo­rýmdarǵa qatysty, dedi Tóraǵa. Osy qatarda parlamentshilerimizdiń halyqaralyq isteri týraly da aı­tyldy. Búgingi kúni bizdiń Par­lament 12 parlamentaralyq uıym­men jáne 80-nen asa elder­diń parlamentterimen ózara árip­testik ornatty. Sonyń ishin­de TMD-ǵa múshe memleket­ter­diń Par­lamentaralyq Assam­bleıa­synyń, TúrkPAA men basqa da halyq­aralyq konferensııalar men forým­dardyń jumystaryna belsene aralasyp, parlamentaralyq yntymaqtastyqty, dıplomatııany damytýǵa jáne Qazaqstannyń halyqaralyq bastamalaryn júzege asyrýǵa yqpal etti. Sonyń ishinde Elbasy N.Nazarbaevtyń «Álem. HHI ǵasyr» manıfesiniń taralyp, tanylýyna úlken úles qosyldy, dedi N.Nyǵmatýlın. Alda atqarylǵaly turǵan mindet­terge sholý jasaǵanda sheshen Senatpen birlesip atqary­latyn jumystardyń jospary jasa­latynyn jetkizdi. Onda mem­le­kettik saıasattyń negizgi máse­leleri birinshi kezekte eskeri­letin bolady. Búgingi kúni búkil álem­de terrorızm men ekstremızm­ge qarsy kúres júrip jatqan kezde Prezıdent osy salada zań joba­laryn jasaýǵa tapsyrma berge­ni atap kórsetildi. Sondyqtan Úki­metpen birlese otyryp, ulttyq qaýipsizdikti qamtamasyz etý, halqymyzdyń beıbit ómiri men tynyshtyǵyn qorǵaý úshin barlyq qajetti sharalardy jasaımyz, deı kelip, odan ári Prezıdenttiń bes ınstıtýttyq reformasyn iske asyrýdyń «100 naqty qadam» – Ult Jospary odan ári sapaly zańdarmen qamtamasyz etiletinin kóldeneń tartty. Osy jolda Parlament jumysynyń barynsha ashyq bolýy da erekshe nazarda bolady. О́ıtkeni, qoǵamdyq pikirler men usynystardyń mańyzy zor. Sondyqtan Parlamentte azamattyq qoǵam jáne BAQ ókilderimen barlyq másele ashyq talqylanady, dedi Nurlan Nyǵmatýlın. Jaqsybaı SAMRAT, «Egemen Qazaqstan» Spıkerdiń sózinen keıin kún tártibindegi másele boıyn­sha Par­lamenttiń qaýlysy qabyl­danyp, altynshy saılanymnyń alǵashqy sessııasy jabylyp, depýtattar kanıkýlǵa shyqty.