Túrkııa Prezıdenti Redjep Taıyp Erdoǵan Reseı basshysy Vladımır Pýtınge reseılik ushqyshtyń qaza tabýyna baılanysty ókinish bildirip, onyń otbasynan keshirim suraıtyny jazylǵan hat joldaǵannan keıin Máskeý kóp kúttirmeı jaýap berdi. Segiz aılyq únsizdikten soń eki eldiń basshysy telefon arqyly sóılesti.
Túrik sarapshylary men BAQ ókilderi Túrkııa men Reseıdiń 2015 jyly qarasha aıynda reseılik áskerı ushaq tóńireginde týyndaǵan oqıǵadan keıin osy ózekti máseleni sheshetin bitimgerdi izdeıtindigin málimdegen edi.
Kóp kúttirmeı jaýaby tabyldy. Aldymen Túrkııanyń Premer-mınıstri Bınalı Iyldyrym, keıin Túrkııa Prezıdenti Redjep Taıyp Erdoǵan Nursultan Nazarbaevtyń Túrkııa men Reseı arasyndaǵy qatynasty qalypqa keltirýge mol úles qosqanyn málimdedi.
Osyǵan baılanysty Qazaqstannyń Túrkııadaǵy elshiliginiń baspasóz qyzmeti Qazaqstan Prezıdentiniń yqpaldasýymen Ankara men Máskeý arasyndaǵy qarym-qatynastyń rettelýine arnalǵan túrkııalyq basylymdar men elektrondyq BAQ materıaldaryn usynyp otyr.
Osylaısha, Túrkııadaǵy tırajy 140 myń danany quraıtyn «Milliyet» gazeti «Bul tulǵa iske aralasty: Erdoǵan men Pýtın áńgimelesti» atty materıalyn jarııalady. Munda Qazaqstan Prezıdentiniń Túrkııa men Reseıdiń ymyraǵa kelýine qosqan rólin joǵary baǵalaıdy. Sonymen qatar, «Önce Vatan» gazetiniń tilshisi Kemal Sallynyń qalamynan týǵan «Sizge sheksiz alǵys, qurmetti N.Nazarbaev» atty maqalasy jaryq kórdi. Atalǵan maqalada Anadolý jerin mekendegen 78 mıllıon «qazaq jurty» atynan Elbasy N.Nazarbaevtyń ustanǵan saıasaty men elaralyq dánekerligine rızashylyq bildirip, Qazaqstannyń qarqyndy damýy týraly sóz etiledi.
Túrkııanyń reıtıngi joǵary «sondakika.com» jáne «haber7.com» aqparattyq portaldary bolsa, «Ol Erdoǵan men Pýtındi tatýlastyrdy», «Túrkııa men Reseı arasyndaǵy seńdi buzǵan», sondaı-aq, «Quttyqtaý jáne alǵys aıtý úshin Nazarbaevqa soǵylǵan qońyraý» atty maqalalaryn jarııalady. Atalǵan materıaldarda «Túrki áleminiń Aqsaqaly» retinde tanylǵan Elbasy N.Á.Nazarbaevtyń Reseı men Túrkııa arasyndaǵy daǵdarystyń basynan-aq ony ótkerý joldaryn qabyldaǵany týraly jazylǵan. Onyń túrik-orys qatynasyn qalpyna keltirý úshin qolynan kelgenin jasaǵany atap ótiledi. «2016 jyldyń 6 aqpanynda Túrkııa Premer-mınıstri A.Dáýitoǵlyny Astanada qabyldaǵan Elbasy N.Nazarbaev bul jaǵdaıdyń Qazaqstanǵa da zardabyn tıgizip jatqandyǵyn jetkizdi», – delingen.
Ári qaraı Qazaqstan Kóshbasshysynyń tek sózben ǵana aıtyp qoımaı, iske kiriskeni jaıly jazylady. «Qazaqstan Prezıdenti T.О́zal jáne S.Demırel basqarǵan kezde de Túrkııa-Reseı qatynasyn jaqsartý úshin, sonymen qatar, Erdoǵan men Pýtın arasynda baılanys ornatý úshin daǵdarys kezeńderinde de zor úles qosqan. Qarym-qatynas ýshyqqan kezderi ol taraptardy sabyrlylyqqa shaqyrdy. Dıplomatııalyq tásilderdi qoldandy», – dep atap ótedi basylym.
Keıbir túrik sarapshylary Túrkııa men Reseı arasyndaǵy qarym-qatynasty retteý Qazaqstan Prezıdentiniń qolynan ǵana keletini jaıly boljap aıtqan. «Ankara politikalar merkezi» atty saraptamalyq ortalyǵynyń dırektory Hasan Qanbolat «Cihan» agenttiginiń saıtynda 2016 jyldyń 22 qańtarynda aǵylshyn tilinde jarııalaǵan óziniń avtorlyq «Túrkııa men Reseı arasyndaǵy shıelenis Nazarbaev basshylyǵymen tarqatyla alady» atty maqalasynda halyqaralyq qatynastar júıesindegi Qazaqstannyń orny men rólin ataıdy. Sonymen qatar, ol Qazaqstan Prezıdentiniń álemdik arenadaǵy bedeli jaýlasqan taraptar arasynda, ásirese, Túrkııa men Reseı arasyndaǵy shıeleniske baılanysty dáneker bolýǵa múmkindik beretini aıtyldy.
«Karar» gazeti «Aqsaqal yqpal etip, Reseımen qarym-qatynasty jaqsartty» atty aqparattyq materıalyn jarııalady. «Túrik-orys qarym-qatynasyn qalpyna keltirýde sahnadan tys jaǵdaılar belgili boldy. «Túrik áleminiń Aqsaqaly» retinde tanylǵan N.Nazarbaev Túrkııa men Reseı arasyndaǵy qatynastyń odan ári ýshyǵýyna jol bermedi. Ol atalǵan hatty jazýdy usynyp, keńes berdi», – dep jazady basylym.
Osylaısha, Túrkııa buqaralyq aqparat quraldarynyń betterinde jarııalanǵan osyndaı materıaldarda Qazaqstannyń Prezıdenti túrik-orys qarym-qatynasyn qalpyna keltirý bastamasyn kótergeni týraly jazylǵan. Jalpy, Túrkııa-Reseı qarym-qatynasynyń rettelý máselesi Túrkııada qyzý talqylanýda. Túrkııa Prezıdenti R.Erdoǵan Qazaqstan Prezıdenti N.Nazarbaevqa qońyraý shalyp, rızashylyǵyn bildirdi. Sondaı-aq, Elbasyn jaqyn arada resmı saparmen Ankaraǵa shaqyrdy.
Sońǵy kúnderi Qazaqstannyń Túrkııadaǵy elshiligine Túrkııanyń túkpir-túkpirinen týrızm jáne aýyl sharýashylyǵy salalaryndaǵy sarapshylar men isker toptardyń ókilderi telefon shalyp, Qazaqstan Respýblıkasynyń Prezıdenti N.Nazarbaevqa alǵys aıtýda. Bul Qazaqstannyń jáne Qazaq eli Kóshbasshysynyń jeńisi dep baǵalanýda.
Málik OTARBAEV