Nóser nópiri

О́skemende uzaqty kúnge aı­nalyp júrgen qara bult nó­ser bolyp quıyp, badanadaı bur­shaǵyn da aıamastan tókti. Ob­lys ortalyǵynyń keıbir bó­ligin qatty jaýǵan jańbyrdan kólkildegen sý basty. Aıtalyq, Táýelsizdik dańǵyly tobyqtan joǵary teńizge aınaldy. Ásirese, Metallýrgter mádenıet saraıy aýmaǵymen kólikter áýpirimdep ótse, jaıaý júrginshiler qozǵala al­maı qaldy. Quddy Venesııa kó­rinisi kelip ornaǵandaı des­ti óskemendikter. Tótenshe jaǵ­daı qyzmetkerleri qalanyń bul aýmaǵyndaǵy jaǵdaıdyń er­neýine tolyp aǵyp jatqan Ertis óze­nine qatysy joq ekendigin aıtady. Sondaı-aq, oblystyq MAI mańaıynda qańtarýly tur­ǵan kólikter belýaryna deıin sý astynda qaldy. Shamasy, jaý­yn men qar sýyn aǵyzatyn kóshe­degi káriz júıeleriniń biri isten shyq­sa kerek. Iаǵnı, kárizder qoqystan ýaqtyly tazalanbaǵan bolýy yqtımal. Gagarın býlvary men Belınskıı kóshesindegi keıbir úıler elektr qýatynsyz qaldy. Áleýmettik jelilerde ta­bıǵattyń tosyn qubylysyna tań bolǵan turǵyndar túrli sýretter jarııalap jatty. Bir qyzyǵy, burshaqty nóser qalanyń barlyq tusyna jaýmaǵan. Máselen, Gagarın býlvary, Munaı bazasy men áýejaı aýmaǵyna barmaq basyndaı burshaq tússe, sol ýaqytta Opytnoe pole men О́zen vokzaly aýmaǵynda jaýyn jaı ǵana sirkirep ótken. Al Oktıabr aýdanyna tamshy da tambaǵan. Qalaǵa jaqyn ornalasqan Ulan aýdanynyń aýmaǵyndaǵy saıa­jaılarda júrgen turǵyndar burshaqtyń iri bolǵanyn jetkizdi. Qalalyq turǵyn úı-kom­mý­­nal­dyq sharýashylyǵy, jo­laýshy­lar kóligi jáne avtokó­lik joldary bóliminiń jetekshisi Asqar Jaqsylyqov shahar aýmaǵynda bir saǵatqa jeter-jetpes ýaqytta bir aılyq jaýyn-shashyn mólsheri túskenin, sý basqan aýmaqtarǵa tehnıkalar jóneltilgenin, sýlardy soryp alý jumystary júrgizilip jatqanyn jetkizdi. Dýman ANASh, «Egemen Qazaqstan» О́SKEMEN