Keshe Máskeýde «Baıqońyr» kesheni boıynsha Qazaqstan-Reseı úkimetaralyq komıssııasynyń tórtinshi otyrysy ótti, dep habarlady Premer-Mınıstrdiń baspasóz qyzmeti.
Oǵan Qazaqstan tarapynan Premer-Mınıstrdiń birinshi orynbasary Baqytjan Saǵyntaev, Reseı jaǵynan RF Úkimeti Tóraǵasynyń orynbasary Dmıtrıı Rogozın qatysty.
Komıssııa músheleri Qazaqstan jáne Reseı prezıdentteri Nursultan Nazarbaev pen Vladımır Pýtınniń tapsyrmalary boıynsha Qazaqstan men Reseıdiń keshendi eki memleket múddelerine saı saqtaý, damytý jáne paıdalaný jónindegi odan arǵy is-qımyldar jolyn qalyptastyrýdy qarastyratyn «Baıqońyr» keshenindegi odan arǵy yntymaqtastyq tujyrymdamasynyń jobasyn ázirleý barysyn talqylady.
Otyrysqa qatysýshylar sondaı-aq, «Baıqońyr» kesheniniń qyzmet isteýiniń kókeıkesti máselelerin jáne birlesken jobalardy, atap aıtqanda, «Báıterek» ǵaryshtyq zymyran keshenin qurý máselelerin qarastyrdy.
Onyń syrtynda Baıqońyr qalasyn damytýǵa baılanysty, onyń ishinde, onyń ınfraqurylymdaryn, sýmen jabdyqtaý júıesin, gazdandyrý isin, medısınalyq qyzmet kórsetý salasyn damytýǵa qatysty máseleler talqylandy.
Kezdesý qorytyndysy boıynsha taraptar Qazaqstan men Reseıdiń «Baıqońyr» keshenin jáne ǵarysh salasyn birlesip paıdalaný jónindegi yntymaqtastyqty odan ári tereńdetýge nıetti ekendikterin atap kórsetti.