Betburys

«Qazsınkmash» JShS ımportty almastyratyn ónim óndirýde Bıyl rıdderlik mashına qu­ry­lysy mamandary óndiris kólemin arttyrýdy jáne ımport­ty almastyrý baǵdarlamasy bo­ıynsha jańa ónim túrin ıge­rýdi qolǵa aldy. Qaladaǵy «Qaz­sınkmash» JShS kásiporyny tehnıkalyq turǵydan qaıta ja­raq­tandyrýdyń aýqymdy jobasyn josparlanǵan merzimde jú­zege asyryp, údemeli ındýs­trııa­lyq-ınnovasııalyq damý baǵ­darlamasynyń alǵashqy bes­jyldyǵynyń eń belsendi qaty­sýshylarynyń biri boldy. Atal­ǵan jaıt kásiporynnyń búginde sheteldik áriptestermen birge iske asyryp jatqan irge­li jo­ba­laryna ıek artýyna múmkin­dik syılady. – Bıyl biz aldymyzǵa úl­ken maqsat qoıdyq, – deıdi «Qaz­sınk­mash» JShS dırektory Alek­sandr Anchýgın. – Iаǵnı, ishki já­ne syrtqy naryqta suranysqa ıe jańa ónim túrin shyǵarý ese­binen óndiris kólemin 10 paıyzǵa arttyrýǵa qol jetkizýdi kózdep otyrmyz. Jýyrda «qazsınkmashtyq» mashına jasaýshylar erekshe tap­syrysty oryndady. Atap aıt­qanda, Shyǵys óńiriniń Bo­ro­­dýlıha aýdanyna qarasty Jez­kent kentindegi Orlovskıı baıy­tý fabrıkasynyń kenshi­lerine arnalǵan domalaq dıirmen tasy ispetti tartqyshtyń iri aý­qymdaǵy bólshegin jóneltti. – Mys kenin baıytý úderisine qoldanylatyn bul ónimniń daıyn kúıindegi salmaǵy 25 tonnany qurady. Al bizdiń qos peshimizdiń árqaısysynyń múmkindigi 10 tonnadan ǵana bolatyn. Sondyqtan, ony aldyn-ala jańa syzbalar jasaý arqyly qaıta jóndeýden ótkizýge týra keldi. Tor arqyly bosatylatyn domalaq dıirmenniń (4,5h6m) kespeltek qabyrǵasyn daıyndaýǵa eki aı ýaqyt jumsaldy, – dedi kásiporyn jetekshisi. Dýman ANASh, «Egemen Qazaqstan»