Aqparattar aǵyny

Qazaqstanda merzimi ótip ketken jalaqy qaryzynyń kólemi 2,7 esege tómendedi. Sóıtip, ol 276 mıllıonnan 10 mıllıon teńgege deıin azaıdy. Densaýlyq saqtaý jáne áleýmettik damý mınıstri Tamara Dúısenovanyń aıtýynsha, buǵan memlekettik eńbek ınspektorlarynyń qyzmeti sebepshi bolǵan. Máselen, 4 myńnan astam tekserýler kezinde 6 myńnan astam eńbek zańnamasyn buzýshylyq anyqtalǵan. Ulttyq ekonomıka mınıstri qalaly jerlerde shaǵyn nesıe berýdi arttyrýdy usyndy. Muny kótergen Qýandyq Bıshimbaevtyń aıtýynsha, Elbasy tapsyrmasymen aldaǵy ýaqytta birqatar mańyzdy sharalardy qamtý kózdeledi. «Birinshiden, eńbek resýrstary artylatyn, aýyldy jerlerden jastar kóbirek aǵylatyn qalalarda  shaǵyn nesıe berýdi damytý kerek», – dedi mınıstr. Osy arqyly qalaǵa kelgen jastar jumyssyzdar qataryn arttyrmaı, kásipkerlikti damytýǵa da múmkindik alýlary tıis. Bıyl 4 oblystaǵy 183,4 myń gektar jerde sýlandyrý júıelerin qalpyna keltirý jobasy júzege asady. Sý sińirý jáne sýlandyratyn jerlerdi qalpyna keltirý maqsatynda bıylǵy jyldyń maýsym aıynda Islam damý banki men Eýropa Qaıta qurý jáne Damý bankinen memlekettik kepildik esebinen 106 mlrd. teńge (314,1 mln. AQSh dollary) quraıtyn jobalardy júzege asyrýǵa qaryzdar tartý boıynsha jos­par qabyldandy. Almatyda aryqtar jeli­sin jóndeýge 600 mıl­lıonǵa jýyq teńge bólinedi. Ońtústik astanada kóbeıgen nóser jaýyn­dar aryq jelisindegi kemshi­lik­terdi aıqyn kórsetip berdi. Qa­lada aryq jelisiniń 50 paıyzy qanaǵattanarlyqsyz kúıde. Osy­ǵan baılanysty, 495 mln. teńgege 18,2 shaqyrymdyq aryq jelisine aǵymdaǵy jóndeý jumystaryn júrgizý josparlandy. Polısııa Astana kúninde joǵalyp ketken qyz ben onyń eki jasar inisin taýyp aldy. «Elorda polıseıleri Almaty IID qyzmetkerlerimen birlese otyryp, joǵalyp ketken balalardy Almaty avtovokzalynan taýyp aldy. Olar Almaty qa­la­synyń IIB-ne jetkizildi. Oqı­ǵanyń mán-jaıy anyqtalyp ja­tyr», – dedi Astana ishki ister de­par­tamenti baspasóz qyzme­ti­niń jetekshisi Sofıa Qylysh­bekova. «Qazaqstan balalar kózimen» atty jas sýretshiler baıqaýy ótti. Otan-anaǵa degen súıispenshilikti dáripteý maqsatynda ótkizilgen konkýrsqa 3 myńnan asa shyǵarma kelip túsken. Keshe solardyń eń tańdaýlylary úzdik marapatqa ıe boldy. Gran-prı ıegeri atanǵan qaraǵandylyq Anel Imıshova bas qalanyń keremettiligin óz qalamyna arqaý etipti. Habarlar Úkimet jáne oblystyq ákimdikter saıttary, «QazAqparat» agenttigi, «Habar» telearnasy materıaldary boıynsha daıyndaldy