Prokýrorlyq qadaǵalaý qaıda?

О́tken aptadaǵy Úkimet otyrysynda Densaýlyq saqtaý jáne áleýmettik damý mınıstri Tamara Dúısenova respýblıkadaǵy kásiporyndardyń óz jumysshylaryna jalaqy qaryzy 1 mıllıard 600 mıllıon teńgeni quraı­tynyn aıtty. Onyń ishinde úsh aıǵa deıin­gi aǵymdaǵy bereshekter 514 mıl­lıon teńge, úsh aıdan ótip ketken bereshek shamamen 134 mıl­lıondy quraıdy eken. Bank­rotqa ushyraǵan kásip­oryn­dar­dyń bereshegi 955 mıllıon teńgege jetken. Bul aıtýǵa ońaı bolǵanymen artynda zildeı salmaǵy bar úlken másele. Jurt­shy­lyqtyń esinde bolar, osy­dan biraz buryn Elbasy sol kez­degi Bas Prokýror Ashat Daýyl­baevqa jalaqy qaryzy týra­ly máselege qatań qadaǵalaý jasaý týraly tapsyrma bergen bola­tyn. Sonda mınıstr aı­typ otyrǵan búgingi kórsetkish pro­kýrorlyq qadaǵalaýdyń qaý­qar­syz bolǵanyn baıqatpaı ma? Tabanaqy, mańdaı teriniń aqy­syn ala almaǵan adam ashy­na­dy, árıne. Ashynǵan adam aryz jazady. Osylaısha «Egemen Qazaqstannyń» Almaty bólim­shesine Hamıt Sabyrbaev degen azamat ta aryz alyp kelipti. Onyń aıtýynsha, ózi jumys is­tep jatqan mekeme basshylyǵy aýysymy bitken soń ony úıine qaıtarmaı kelesi aýysymǵa májbúrlep qal­dy­rady. Nátıjesinde eki kún, eki tún qatarynan qaraýylda turǵan ol kóliginiń rólinde uıyq­tap ketip, apatqa ushyraıdy. Ne­sıege alǵan mashınasynyń saý-tamtyǵy qalmaı, ózi aýrýhanaǵa túsip, ota jasatyp, eki aı emdel­gen oǵan mekeme tarapynan esh­qan­daı járdem bolmaıdy. Jár­dem bermek turmaq, jumysyna qaıta shyǵaıyn dese, ony qabyl­da­maı áýre-sarsańǵa salady. Sharasy taýsylǵan H.Sabyrbaev «Egemenge» júginýge kelgen eken. Biz H.Sabyrbaevtyń aryzyn ol jumys isteıtin mekeme orna­lasqan Almaty qalasy­nyń Jetisý aýdandyq prokýra­týra­sy­na joldadyq. Aradan bir aıǵa jýyq ýaqyt óter-ótpesten aýdan prokýrory Narıman Beknazarovtan redaksııaǵa hat keldi. H.Sabyrbaevtyń aryzy tek­serilip, onda aıtylǵan jáıt­tar dáleldenip, mekeme basshy­lyǵy aryz ıesine materıaldyq jáne moraldyq shyǵynyn ótep beripti. Prokýrorlyq qada­ǵalaýdyń pármendiligi degen osy emes pe? Al endi osyǵan kereǵar jaǵ­daı týraly aıtaıyq. Jaqyn­da redaksııanyń Almaty bó­lim­shesine kásipker Dáýir Murat­baev aryz alyp keldi. Ol bas­qarǵan «Tral-tasymal» jaýap­kershiligi shekteýli seriktestigi Aqmola oblysy, Arshaly aýda­nyn­daǵy «Arshaly-Nerýd» jaýap­kershiligi shekteýli serik­tes­tiginde kelisimshart­pen jumys isteıdi. Mindet oryndalǵan. Biraq 3-4 aıdyń 11 mıllıon 800 myń teńge jalaqysyn áli kúnge ala almaı júr eken. Arshaly aýdandyq pro­kýra­týrasyna Dáýir Murat­baev­tyń aryzyn jiberdik. Bes-alty aıdyń júzi boldy. Tym-tyrys. Mine, prokýrorlyq qadaǵalaýdyń pármensizdigi degen osy emes pe? «Qazirgi ýaqytta bul baǵytta Bas prokýratýramen, Qarjy mınıstrligimen jáne jergilikti atqarýshy organ­darmen birlesken jumystar júrgizilýde», dedi mınıstr Tamara Dúısenova. Nátıjesin ýaqyt kórsetedi. Biz de kútemiz, ázirge.  Sharafaddın ÁMIROV, Egemen Qazaqstan»