[caption id="attachment_50578" align="aligncenter" width="560"] Foto: 24.kz[/caption]
Sırııanyń soltústik batysyndaǵy Idlıb provınsııasyna áýeden soqqy jasaldy. 24.kz-tiń aqparyna sáıkes, 23 beıbit turǵyn qaza tapty.
Bul týraly alǵash bolyp Sırııanyń adam quqyǵyn qorǵaý uıymy habarlaǵan. Sońǵy málimetterge sáıkes, qaza tapqandardyń kóbisi qalaǵa ózge aımaqtardan Aıt merekesin toılaýǵa barǵandar eken. Marqumdardyń arasynda 10 áıel men eki búldirshin bar. Bılik ókilderi adam shyǵyny áli de artýy múmkin degen boljam jasady. Sebebi, aýrýhanaǵa jatqyzylǵandardyń arasynda aýyr jaraqat alǵandar bar.
Aıta keteıik, 6 shilde kúni Sırııa úkimeti 72 saǵat elde oq atpaý rejimin egizgen bolatyn. Degenmen, lańkester baqylaýyndaǵy qalada bul tolyqtaı saqtalmaı otyr. Ázirge soqqy jasaǵan ushaqtyń kimge tıesili ekendigi belgisiz.
Aıan ÁBDÝÁLI