[caption id="attachment_51305" align="aligncenter" width="560"] Foto: inform.kz[/caption]
Fransııanyń ońtústik-shyǵysyndaǵy Nıssa qalasynda teraktiden 77 adam qaza tapty. RIA «Novostı» aqparat agenttiginiń habarlaýynsha, 14 shildede jaǵalaýda merekege baılanysty ot shashýǵa jınalǵan halyqty júk kóligi basyp-janshyp ótken.
«Bizdiń qalamyzda buryn-sońdy mundaı jaǵdaı bolmap edi. Lańkestik áreketten 77 adam qaza taýyp, 50 adam aýyr jaraqat aldy, onyń 15-i aýyr halde jatyr», – dep málimdedi jergilikti prokýratýra.
Aqpar boıynsha, bul is ádeıi jasalǵan. Sonymen qatar, júrgizýshiniń qalyń topqa oq jaýdyrǵany da belgili boldy. Artynsha, lańkester men tártip saqshylary arasynda atys bolǵan. Merekege bir myńnan astam adam kelgen eken.
Qazir júk kóliginiń rólinde otyrǵan adamnyń kózi joıyldy. Tintý kezinde birneshe qarý-jaraq pen jarylǵysh zattar tabylǵan. Qalada qaýipsizdik sharasy kúsheıtilip, arnaıy operasııa júrgizilýde.
Aıan ÁBDÝÁLI