[caption id="attachment_54226" align="aligncenter" width="560"] Foto: rosbalt.ru[/caption]
Nepalda tolassyz jaýǵan jańbyrdyń sońy sý tasqynyna ulasyp, sonyń saldarynan 102 adam opat bolyp, 22 turǵyn iz-túzsiz joǵalyp ketti. rosbalt.ru aqparyna sáıkes, bul týraly ishki ister mınıstrliginiń vıse-premeri Bhım Bahadýr Raval málimdegen.
Parlament aldynda jasaǵan málimdemesinde ol 75 aýdannyń 43-i zardap shekkenin, taǵy 58 adamnyń túrli jaraqat alǵanyn aıtty. Málimetter boıynsha, Baglýng, Banke, Pıýthan aımaqtaryna kóbirek shyǵyn kelgen. Osyǵan deıin tabıǵı apattan 77 adamnyń qaza tapqany habarlanǵan bolatyn.
Aıta keteıik, ótken seısenbige qaraǵan túni eldiń birqatar aýdandarynda sel júrgen. Tosyn apattan kóptegen turǵyndar baspanalaryn tastap ketýge májbúr boldy. Bılik jedel túrde arnaıy top quryp, apatty aımaqqa jiberdi. Budan bólek jaǵalaýǵa jaqyn ornalasqan ondaǵan ǵımarat qırap qalýdyń aldynda turǵany habarlanǵan.
Izdeý-qutqarý jumystary áli jalǵasyp jatyr.
Aıan ÁBDÝÁLI