Festıval Ulttyq geografııalyq qoǵam men Bilim jáne ǵylym mınıstrliginiń birlesken jobasy aıasynda 15-19 tamyz kúnderi uıymdastyrylady. Sharanyń negizgi maqsaty – Táýelsizdiktiń 25 jyldyǵyn atap ótý, sondaı-aq óskeleń urpaqtyń boıyna elge degen patrıottyq sezimdi qalyptastyrý, tarıh pen mádenıetke degen súıispenshiligin damytý.
Uıymdastyrýshylardyń aıtýynsha, «Han qoryq» festıvali kezinde qatysýshylar ońtústiktegi tarıhı jerlerge saıahat jasap, kóneniń kózindeı bolǵan mádenı nysandarmen tanysady.
Sharaǵa elimizdegi joǵary oqý oryndarynyń stýdentteri men baıqaý nátıjeleri boıynsha iriktelip alynǵan QazaqGeo músheleri qatysady. Onda ǵylymı konferensııa ótkizilip, ólketanýshylar men tarıhshylar baıandamalar jasaıdy. Arheologtar el aýmaǵynan tabylǵan tarıhı jádigerler jaıly aqparattar berip, jastardy qazaq dalasynyń salt-dástúrin saqtaýǵa, Otanyn súıýge úndeıdi.
Talǵat RAIYMBEK