Búgin Rıo-de-Janeıroda Qazaqstan sportshylary jarystyń 6 túri boıynsha jarys jolyna shyǵady. Otandastarymyzdyń birinshi jarysy saǵat 18.00-de bastalady. Osy kezde 50 metrden erler arasynda tapanshamen atý boıynsha irikteý syny ótedi. Oǵan Vladımır Isachenko men Rashıd Iýnýsmetov qatysady.
Saǵat 21:00-de fınaldyń 1/32 fınalda sadaq atýdan Lýıza Saıdıeva ýkraınalyq Anastasııa Pavlovamen synǵa túsedi. Odan keıin saǵat 22.05-te semserlesýden 1/16 fınalda Ilıa Mokresov pen amerıkalyq Derıl Gomer kúsh synasady.
Áıelder arasyndaǵy aýyr atletıka jarysy saǵat 00.30-da bastalady. Onda 69 kıloǵa deıingi salmaqtaǵy Jazıra Japparqul synǵa túsedi. Al saǵat 4.00-de bolatyn erler arasyndaǵy saıysqa 77 kılo salmaqtaǵy Nıdjat Rahımov daıyndalyp jatyr.
Saǵat 2.00-de sharshy alańǵa boksshylar shyǵady. Alǵashqy bolyp rıngke 49 kıloǵa deıingi salmaqtaǵy Birjan Jaqypov kóteriledi. Ol ózbek Hasanboı Dýsmatovpen qolǵap túıistiredi. Osydan keıin saǵat 4.30-da 91 kıloǵa deıingi salmaqta Vasılıı Levıt mavrıkıılik Kennedı Sent-Perpen judyryqtasady.
11 tamyzda erler arasynda brass ádisi boıynsha 200 metrge fınaldyq saıys ótedi. Onda Dmıtrıı Balandın baǵyn synaıdy. Bul jarys Astana ýaqyty boıynsha saǵat 7.00-de bastalady.
Dastan KENJALIN
Foto: supersolnishco.net